Έχω παράπονον

Προβολή Τραγουδιού

Καλλιτέχνες: Μπάμπης Κεμανετζίδης, Χάρης Ακριτίδης

Έχω τρανόν παράπονον
και σον Θεόν θα λέγω
Γιατί, Θεέ μ’, όλ’ χ̌αίρουνταν
κι εγώ πάντα να κλαίγω;

Επήρες τον πατέρα μου,
νέος έτον ακόμαν
Έναν αΐκον παλληκάρ’
να τρώει ατον το χώμαν

Κλαίγω την τύχην ντ’ είχα εγώ,
κλαίγω για τον πατέρα μ’
Πόλεμους, φτώχιας έσυρεν,
’κ’ είδεν άσπρον ημέραν

Κερίν αφτύνω για την ψ̌η σ’,
πατέρα μ’, πονεμένε
Τ’ εγγόνα̤ σ’ αραεύ’νε σε
και για τ’ εσέναν λένε

Γλωσσάρι

Κείμενο	Επεξήγηση	Ετυμ. Ρίζα
αΐκον	τέτοιο/α
αραεύ’νε	ψάχνουν, αναζητούν, γυρεύουν	aramak
αφτύνω	ανάβω
εγγόνα̤	εγγόνια
έσυρεν	έσυρε, τράβηξε, έριξε
έτον	ήταν
’κ’	δεν	οὐκί<οὐχί
όλ’	όλοι/α
φτώχιας	(ον. πληθ.) φτώχιες
χ̌αίρουνταν	χαίρονται
ψ̌η	ψυχή