Ο τραγωδι͜άνον

Προβολή Τραγουδιού

Καλλιτέχνες: Θεόδωρος Νικοδημόπουλος, Φάνης Κουρουκλίδης

Π’ εγάπεσεν επόνεσεν,
π’ έζησεν εματώθεν
Τη ζωήν π’ ετραγώδεσεν
διπλά -ν- εφαρμακώθεν

Ο τραγωδι͜άνον τραγωδεί
και λαρούνταν τα πόνα̤
Ο τραγωδι͜άνον εμορφύν’
τ’ ανθρωπίων τα χρόνα̤

Όλεν ο κόσμον και ντο σύρ’
περάν’νε ας σην καρδία τ’
Όντες θα τραγωδεί ατα
αμὰν κλαίει η λαλία τ’
Όντες θα τραγωδεί ατα
θέλ’ να κλαίει η λαλία τ’

Ο τραγωδι͜άνον τραγωδεί
χαράντας, πίκρας, πόνα̤
Ο τραγωδι͜άνον εμορφύν’
τ’ ανθρωπίων τα χρόνα̤
Και με την τραγωδίαν ατ’
εμορφύν’νε τα χρόνα̤

Σ’ αβούτ’ τον ψεύτεν τον κόσμον
όλ’ την παρά αγαπούνε
Και τ’ εφτωχού το δίκαιον
κανένας ’κι ’ρωτούνε
Κι ας σ’ εφτωχού το δίκαιον
κανείνας ’κ’ εγροικούνε

Ο τραγωδι͜άνον εγροικά
τη κόσμινης τον πόνον
Αν έ͜εις τέρτι͜α να λες ατα
σον τραγωδι͜άνον μόνον

Γλωσσάρι

Κείμενο	Επεξήγηση	Ετυμ. Ρίζα
αβούτ’	αυτό/ή, αυτοί/ές/ά
αμὰν	αμέσως, ευθύς, μονομιάς	hemen/hemān
ανθρωπίων	ανθρώπων
ας σ’	(ας σου) από του, από τότε που/αφότου, (ας σο) από το/τα
ατα	αυτά
έ͜εις	έχεις
εγάπεσεν	αγάπησε
εγροικά	καταλαβαίνει
εγροικούνε	καταλαβαίνουν
εματώθεν	ματώθηκε
εμορφύν’	ομορφαίνω/ει
εμορφύν’νε	ομορφαίνουν
επόνεσεν	πόνεσε
ετραγώδεσεν	τραγούδησε
’κ’	δεν	οὐκί<οὐχί
κανείνας	κανένας
’κι	δεν	οὐκί<οὐχί
κόσμινης	κόσμου, οικουμένης, κοινωνίας
λαλία	λαλιά, φωνή
λαρούνταν	γιατρεύονται, θεραπεύονται
όλ’	όλοι/α
όλεν	όλη/ο, ολόκληρη/ο
όντες	όταν
παρά	λεφτά, το χρήμα	para/pāre
περάν’νε	περνάνε
πίκρας	πίκρες
πόνα̤	(αιτ.) πόνοι, πόνους
σύρ’	σύρω/ει, τραβάω/ει, ρίχνω/ει
τέρτι͜α	καημοί, βάσανα, στενοχώριες	dert
τραγωδεί	τραγουδάει
τραγωδίαν	τραγούδι
τραγωδι͜άνον	τραγουδιστής
χαράντας	χαρές, γάμοι
χρόνα̤	χρόνια
ψεύτεν	ψεύτη