Σο καρδόπο μ’ έψες τη φωτίαν

Προβολή Τραγουδιού

Καλλιτέχνες: Θεόδωρος Νικοδημόπουλος, Σταύρος Ιωαννίδης, Φάνης Κουρουκλίδης

Σο καρδόπο μ’ έψ̌ες τη φωτίαν
κι ατώρα γελάς,
άι! να έ͜εις την αμαρτίαν

Έλα, πουλί μ’, μετ’ εμέναν, θέλω σε
Έμορφον μελαχρινόν, λελεύω σε
Μικρόν και μελαχρινόν, θα παίρω σε

Νύχταν κι ημέραν εσέν νουνίζω
και το ψ̌όπο μου 
για τ’ εσέν πάντα τυρα̤ννίζω

Έλα, πουλί μ’, μετ’ εμέναν, θέλω σε
Έμορφον μελαχρινόν, λελεύω σε
Μικρόν και μελαχρινόν, θα κλέφτω σε

Έλα δος με εσύ παρηγορίαν
κι ας αναπάεται,
πουλόπο μ’, τ’ εμόν η καρδία

Έλα, πουλί μ’, μετ’ εμέναν, θέλω σε
Έμορφον μελαχρινόν, λελεύω σε
Μικρόν και μελαχρινόν, θα παίρω σε
Έμορφον μελαχρινόν, θα κλέφτω σε
Έλα, πουλί μ’, μετ’ εμέναν, λέγω σε
Μικρόν και μελαχρινόν, θα παίρω σε

Γλωσσάρι

Κείμενο	Επεξήγηση	Ετυμ. Ρίζα
αναπάεται	αναπαύεται, ξεκουράζεται
ατώρα	τώρα
δος	δώσε
έ͜εις	έχεις
εμόν	δικός/ή/ό μου	ἐμοῦ
έμορφον	όμορφο
έψ̌ες	άναψες
καρδόπο	καρδούλα
κλέφτω	κλέβω
λελεύω	χαίρομαι
μετ’	μαζί με (με αιτιατική), με (τρόπος)
νουνίζω	σκέφτομαι
παίρω	παίρνω
παρηγορίαν	παρηγοριά
πουλόπο	πουλάκι
τυρα̤ννίζω	τυραννάω, ταλαιπωρώ
ψ̌όπο	ψυχούλα