Πατέρα, εσέν θυμούμαι

Προβολή Τραγουδιού

Καλλιτέχνες: Γιάννης Τσανάκαλης, Μπάμπης Τσακαλίδης

Πονώ, πολλά πονώ!

♫

Η καρδία μ’ πονεμένον,
ας σα πόνα̤ φορτωμένον
Το καρδόπο μ’ το καημένον
ας σα τέρτα̤ έν’ καμένον
Ας σα τέρτα̤ έν’ καμένον
το καρδόπο μ’ ματωμένον

Πατέρα, εσέν θυμούμαι,
ας σα πόνα̤ εγώ ματούμαι
Και -ν- επέμ’να ορφανόν,
αχ! ο πόνο μ’ έν’ τρανόν
Και ο πόνο μ’ έν’ τρανόν
και σην καρδίαν τ’ εμόν

Και -ν- έφυες ας σο κόσμον,
σο καρδόπο μ’ έχω πόνον
Εσέν πάντα νουνίζω
και το ψ̌όπο μ’ τυρα̤ννίζω
Και το ψ̌όπο μ’ τυρα̤ννίζω
και τ’ ομματόπα μ’ κλαινίζω

Ας σ’ ομμάτα̤ μ’ δά̤κρα̤ τρέχ’νε
και παρηγορίαν ’κ’ έχ’νε
Πατέρα, εσέν αραεύω,
πονώ και υποφέρω
Πονώ και υποφέρω
σο νου μ’ εσέν πάντα φέρω

Γεια σου, Γιάννε Παντελίδη, με τα τύμπανα σ’!
Γουρπάν’ σα δάχτυλα σ’, Καρατζά!

Γλωσσάρι

Κείμενο	Επεξήγηση	Ετυμ. Ρίζα
αραεύω	ψάχνω, αναζητώ, γυρεύω	aramak
ας σ’	(ας σου) από του, από τότε που/αφότου, (ας σο) από το/τα
γουρπάν’	θυσία	kurban/ḳurbān
δά̤κρα̤	δάκρυα
εμόν	δικός/ή/ό μου	ἐμοῦ
έν’	είναι
επέμ’να	απόμεινα
έφυες	έφυγες
έχ’νε	έχουνε
θυμούμαι	θυμάμαι
’κ’	δεν	οὐκί<οὐχί
καρδόπο	καρδούλα
κλαινίζω	στενοχωρώ, κάνω κπ να κλάψει
ματούμαι	ματώνομαι
νουνίζω	σκέφτομαι
ομμάτα̤	μάτια
ομματόπα	ματάκια
παρηγορίαν	παρηγοριά
πολλά	(επίθ.) πολλά, (επίρρ.) πολύ
πόνα̤	(αιτ.) πόνοι, πόνους
τέρτα̤	καημοί, βάσανα, στενοχώριες	dert
τρέχ’νε	τρέχουν
τυρα̤ννίζω	τυραννάω, ταλαιπωρώ
ψ̌όπο	ψυχούλα