Χρόνα ζούμ’ σην Γερμανίαν

Προβολή Τραγουδιού

Καλλιτέχνες: Γιάννης Τσανάκαλης, Μπάμπης Τσακαλίδης

Χρόνα̤ ζούμ’ σην Γερμανίαν
με τον αδελφό μ’, αδελφό μ’
Σην Ελλάδαν έν’ ο άλλος
ο τρανόν, ο τρανόν

Άρρωστος βαρέα έτον
και -ν- ο αδελφό μ’
Σην Ελλάδαν έρθα, μάνα,
να ελέπ’ ατον

Άγρεν χαπάρ’ έρθεν, μάνα,
ας σα μακρά, ας σα μακρά
Ση Γερμανίαν ο αδελφό μ’
’κ’ έν’ καλά, ’κ’ έν’ καλά

Αεροπλάνον  να παίρω,
τρί’ ήμερας ογρασ̌εύω
’Κ’ επορώ ση Γερμανίαν
εγώ να φεύω

Έρθα εγώ ση Γερμανίαν
να ελέπ’ ατον, ελέπ’ ατον
Αργά έτονε, μανίτσα μ’,
έντον το κακόν, το κακόν

Τον αδελφό μ’ ’κ’ επρόφτασα
να ελέπ’ ατον
Τρανόν ταξίδ’ πώς εποίκεν
χωρίς γυρισμόν!

Γλωσσάρι

Κείμενο	Επεξήγηση	Ετυμ. Ρίζα
άγρεν	άγριο
βαρέα	βαριά, συχνά, πολύ
ελέπ’	βλέπει/βλέπω
έν’	είναι
έντον	έγινε
εποίκεν	έκανε, έφτιαξε	ποιέω-ῶ
επορώ	μπορώ
έρθα	ήρθα
έρθεν	ήρθε
έτον	ήταν
έτονε	ήταν
’κ’	δεν	οὐκί<οὐχί
μακρά	(επιρρ.) μακριά, (επιθ.) μακρινά, απομακρυσμένα
ογρασ̌εύω	(αμτβ) πασχίζω, παλεύω	uğraşmak
παίρω	παίρνω
τρί’	τρεις
φεύω	φεύγω
χαπάρ’	χαμπάρι, είδηση, μαντάτο	haber/ḫaber
χρόνα̤	χρόνια