Ποντιακός Στίχος

Προβολή Τραγουδιού

Κατεβάστε τους στίχους σε PDF

Αχ! και τ’ άγρεν το χαπάρ’

Τη μάνα μ’ ανασπάλλομεΤη μάνα μ’ ανασπάλλομε

Στιχουργοί: Μπάμπης Τσακαλίδης

Συνθέτες: Γιάννης Τσανάκαλης

Καλλιτέχνες: Γιάννης Τσανάκαλης, Μπάμπης Τσακαλίδης


Ένας μάνα, ένας πατέρας¹
είχανε δύο παιδία
Ετράνυναν τα παιδία
κι έφυγαν σην Γερμανίαν

Και -ν- εδούλευαν εντάμαν,
έμορφα ατά επέραναν
Και -ν- έρθανε σην Ελλάδαν
για να ’λέπ’νε κύρ’ και μάναν

Και -ν- έρθανε σην Ελλάδαν
είδαν τον κύρ’ και την μάναν
Ση Γερμανίαν σίτ’ εκλώσταν
τα παιδόπα εσκοτώθαν

Αχ! και τ’ άγρεν το χαπάρ’,
ντ’ αγλήγορα ατό πάει
Έκ’σεν α’ ο κύρ’ κι η μάνα,
πώς θα ταγιανίζ’νε εντάμαν;

Μέρα, νύχτα ατείν’ κλαίνε
και παρηγορίαν ’κ’ έχ’νε
Νέικα, νέικα ατά φεύ’νε,
τρανόν πόνον ατείν’ έχ’νε

Ατείν’ πάνε σα ταφία
με τσ̌ιτσ̌έκα̤ και κερία
Καλατσ̌εύ’νε σα ταφία
και παίρ’νε παρηγορία
Καλατσ̌εύ’νε σα παιδία
και παίρ’νε παρηγορία
Καλατσ̌εύ’νε σα² ταφία
και παίρ’νε παρηγορία
Καλατσ̌εύ’νε σα παιδία
και παίρ’νε παρηγορία
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
αγλήγοραγρήγορα
άγρενάγριο
ατάαυτά
ατείν’αυτοί
εκλώστανγύρισαν, επέστρεψαν
έκ’σενάκουσε
έμορφαόμορφα
εντάμανμαζί
έρθανεήρθαν
εσκοτώθανσκοτώθηκαν
ετράνυνανμεγάλωσαν, αναθρεύτηκαν τρανόω-ῶ
έχ’νεέχουνε
’κ’δεν οὐκί<οὐχί
καλατσ̌εύ’νεομιλούν, συνομιλούν, συζητούν keleci=καλός λόγος (Παλαιά Τουρκική Ανατολίας)
κερίακεριά κηρός
κύρ’πατέρα
’λέπ’νε(ελέπ’νε) βλέπουν
νέικανεαρά, νεανικά
παιδίαπαιδιά
παιδόπαπαιδάκια
παίρ’νεπαίρνουν
παρηγορίανπαρηγοριά
σίτ’καθώς, ενώ σόταν<εις όταν
ταγιανίζ’νεαντέχουν, βαστάνε, υπομένουν dayanmak
ταφίατάφοι, το νεκροταφείο
φεύ’νεφεύγουν
χαπάρ’χαμπάρι, είδηση, μαντάτο haber/ḫaber
Σημειώσεις
¹ Ακούγεται να τραγουδάει πιθ. εκ παραδρομής «πατέρα»
² Ακούγεται να τραγουδάει πιθ. εκ παραδρομής «τα»

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15816
Επικοινωνία: infoDUMMY@pontianlyrics.gr