Ποντιακός Στίχος

Προβολή Τραγουδιού

Κατεβάστε τους στίχους σε PDF

Βέχω, βέχω

Έρθεν η ώραΈρθεν η ώρα

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιώργος Κεμανετζίδης, Νίκος Μουρατίδης


Σεβντάν έχω, σεβντάν πουλώ
και σεβνταλής γυρίζω
Σεβντάν έχω σο καρδόπο μ’
και πώς θα ταγιανίζω;

Βέχω, βέχω, ξεροβέχω,
κείμαι κα’ τ’ αρνόπο μ’ ’κ’ έχω
και με τη ματί’ μ’ τα δα̤κρόπα
το μαξιλάρι μ’ βρέχω

Ρίζα μ’, κρύον νερόν είσαι,
νασάν που βάλ’ και πίν’ -τ- σε!
Νασάν που αγκαλι͜άσ̌κεται,
ους να μερών’ κι αφήν’ -τ- σε

Βέχω, βέχω, ξεροβέχω,
κείμαι κα’ τ’ αρνόπο μ’ ’κ’ έχω
και με τη ματί’ μ’ τα δα̤κρόπα
το μαξιλάρι μ’ βρέχω

Εσύ εμέναν έλεες,
«καν’νάν ’κι καλατσ̌εύω»
Με τ’ ομματόπα μ’ είδα σε
το Θεό σ’ ’κ’ ινιανεύω

Βέχω, βέχω, ξεροβέχω,
κείμαι κα’ τ’ αρνόπο μ’ ’κ’ έχω
και με τη ματί’ μ’ τα δα̤κρόπα
το μαξιλάρι μ’ βρέχω
Γλωσσάρι
ΚείμενοΕπεξήγησηΕτυμ. ΡίζαΠροέλευση
αγκαλι͜άσ̌κεταιαγκαλιάζει, εναγκαλίζεται
αρνόποαρνάκι, χαϊδευτική προσφώνηση γυναίκας
αφήν’αφήνει
βέχωβήχω
δα̤κρόπα(υποκορ.) δάκρυα
έλεεςέλεγες
ινιανεύωπιστεύω, εμπιστεύομαι inanmak
’κ’δεν οὐκί<οὐχί
κα’κάτω
καλατσ̌εύωμιλάω, συνομιλώ, συζητώ keleci=καλός λόγος (Παλαιά Τουρκική Ανατολίας)
καν’νάνκανέναν
καρδόποκαρδούλα
κείμαικείτομαι, ξαπλώνω
’κιδεν οὐκί<οὐχί
ματί’ματιού
μερών’μερώνει, ξημερώνει
νασάνχαρά σε
ξεροβέχωξεροβήχω
ομματόπαματάκια
ουςως, μέχρι
πίν’πίνει
σεβνταλήςερωτοχτυπημένος, ερωτευμένος sevdalı
σεβντάναγάπη, έρωτα sevda/sevdā
ταγιανίζωαντέχω, βαστάω, υπομένω dayanmak

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr