Η κόρ’ επήεν σον παρχάρ’

Προβολή Τραγουδιού

Καλλιτέχνες: Γιώργος Κεμανετζίδης, Νίκος Μουρατίδης

Η κόρ’ επήεν σον παρχάρ’
[Έι! πουλί μ’, πουλί μ’]
να ’ίνεται ρομάνα
[Έλα, έλα λέγω σε]
και για τ’ ατέν θα ’ίνουμαι
[Έι! πουλί μ’, πουλί μ’]
και κυνηγός σ’ ορμάνια
[Έλα, έλα λέγω σε]

Θέλω να παρχαρεύ’ ατεν,
[Έι! πουλί μ’, πουλί μ’]
θ’ ευτάγ’ ατεν ρομάνα
[Έλα, έλα λέγω σε]
Θα παίρ’ ατεν και λάσκουμαι
[Έι! πουλί μ’, πουλί μ’]
απέσ’ σ’ άγρι͜α τ’ ορμάνια
[Έλα, έλα λέγω σε]

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
ατέν	αυτήν
ατεν	αυτήν
επήεν	πήγε
ευτάγ’	κάνω/ει, φτιάχνω/ει	εὐθειάζω
’ίνεται	γίνεται
’ίνουμαι	γίνομαι
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
ορμάνια	δάση	orman
παίρ’	παίρνω/ει
παρχάρ’	ορεινός τόπος θερινής βοσκής
ρομάνα	παρχαρομάνα, γυναίκα επιφορτισμένη με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι)