Εμπροπίσ’

Προβολή Τραγουδιού

Ποντιακά τραγούδια με τον Γιώργο Τσακαλίδη

Ας σην ημέραν ντ’ είδα σε
’κ’ εβγαίντς ας σ’ αχουλόπο μ’
Εγάπ’ τ’ εσόν εφώλεψεν
σ’ έρημον το καρδόπο μ’

Και για τ’ εσέν θα λέγω,
εσέν, πουλί μ’, ντ’ εγάπεσα
εγώ ’κι πουσ̌μανεύω

Εποίκες με ας ση σεβντά σ’
εγώ το νου μ’ να χάνω
Κορτσόπον, αν ’κι παίρω σε
οφέτος θ’ αποθάνω

Και για τ’ εσέν θα λέγω,
εσέν, πουλί μ’, ντ’ εγάπεσα
εγώ ’κι πουσ̌μανεύω

Αν αγαπάς με πέ’ ατο,
μη τρώω την καρδία μ’
Σον πόνο μ’ είσαι γιατρικόν,
σην ψ̌η μ’ παρηγορίαν

Και για τ’ εσέν θα λέγω,
εσέν, πουλί μ’, ντ’ εγάπεσα
εγώ ’κι πουσ̌μανεύω

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
ας σ’	(ας σου) από του, από τότε που/αφότου, (ας σο) από το/τα
ας σην	απ’ την	ασό σην (από την)
αχουλόπο	μυαλουδάκι	akıl/ʿaḳl
εβγαίντς	βγαίνεις
εγάπ’	αγάπη
εγάπεσα	αγάπησα
εποίκες	έκανες, έφτιαξες	ποιέω-ῶ
εσόν	δικός/ή/ό σου
εφώλεψεν	φώλιασε, μτφ. τρύπωσε, χώθηκε
’κ’	δεν	οὐκί<οὐχί
καρδόπο	καρδούλα
’κι	δεν	οὐκί<οὐχί
κορτσόπον	κοριτσάκι
οφέτος	φέτος
παίρω	παίρνω
παρηγορίαν	παρηγοριά
πέ’	(προστ.) πες
πουσ̌μανεύω	μετανιώνω	pişman olmak<paşmān
σεβντά	αγάπη, έρωτας	sevda/sevdā
ψ̌η	ψυχή