Τριαντάφυλλον κομμένον

Προβολή Τραγουδιού

Καλλιτέχνες: Μέλη Ραμπίδου, Χρήστος Ραμπίδης

Τριαντάφυλλον κομμένον
σα χ̌ερόπα μ’ έχω σε
Κρύψον τ’ αγκαθόπα¹ σ’ όλια
να ’πορώ και φιλώ σε

Έναν-έναν τα φιλόπα σ’
να ’πορώ και να μετρώ
Κι όσον πιο πολλά μετρώ σε
πιο πολλά να αγαπώ

Το τρανόν η ευωδία σ’
τη ψ̌η μ’ εξημέρωσεν
Εσέγκεν σην ψ̌η μ’ τα τέρτι͜α,
πέει το «ναι» να παίρω σε

Έναν-έναν τα φιλόπα σ’
να ’πορώ και να μετρώ
Κι όσον πιο πολλά μετρώ σε
πιο πολλά να αγαπώ

Έλα ατώρα σην εγκάλια μ’,
χρόνον ας μη χάνουμε
Η ζωή προτού να χάται
εμείς να προφτάνουμε

Έναν-έναν τα φιλόπα σ’
να ’πορώ και να μετρώ
Κι όσον πιο πολλά μετρώ σε
πιο πολλά να αγαπώ

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
εγκάλια	αγκαλιά
εσέγκεν	έβαλε, εισήγαγε
κρύψον	(προστ.) κρύψε
όλια	όλα
παίρω	παίρνω
πέει	(προστ.) πες
πολλά	(επίθ.) πολλά, (επίρρ.) πολύ
’πορώ	(επορώ) μπορώ
τέρτι͜α	καημοί, βάσανα, στενοχώριες	dert
φιλόπα	φιλάκια
χ̌ερόπα	χεράκια
χάται	χάνεται
ψ̌η	ψυχή

Σημειώσεις

¹ Ακούγεται να τραγουδάει «αγαθόπα» που δεν ταιριάζει νοηματικά, καθώς επίσης στην ποντιακή ορθότερη είναι η χρήση του «αχαντόπα»=αγκαθάκια.