Έλα, έλα πουλί μ’

Προβολή Τραγουδιού

Καλλιτέχνες: Μέλη Ραμπίδου, Χρήστος Ραμπίδης

Εσέν, αρνί μ’, παντέμορφον
να είχα μετ’ εμέναν
Άλλο ’κ’ εξενιτεύκουμ’νε
και σα μακρά ’κ’ επέγ’να

Έλα -ν-, έλα -ν-, έλα, πουλί μ’, έλα!
Σ’ εγκαλόπο μ’ χαμογέλα

Τη σεβντάν ντ’ έχω μετ’ εσέν,
αρνόπο μ’, θα τελέν’ με
Γιατρός ’κι θα ευρίεται,
μανίτσα για να κλαίει με

Έλα -ν-, έλα -ν-, έλα, πουλί μ’, έλα!
Σ’ εγκαλόπο μ’ χαμογέλα

Τον σεβνταλίν τον άνθρωπον
εγώ πολλά λυπούμαι
Εδέβεν ’ς σο κιφαλόπο μ’,
’κ’ επόρ’να να κοιμούμ’νε

Έλα -ν-, έλα -ν-, έλα, πουλί μ’, έλα!
Σ’ εγκαλόπο μ’ χαμογέλα

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
εγκαλόπο	αγκαλιά, αγκαλίτσα
εδέβεν	πήγε, διάβηκε, διέσχισε, ξεπέρασε	διαβαίνω
εξενιτεύκουμ’νε	ξενιτευόμουν
επέγ’να	πήγαινα
επόρ’να	μπορούσα
ευρίεται	βρίσκεται
’κ’	δεν	οὐκί<οὐχί
’κι	δεν	οὐκί<οὐχί
κιφαλόπο	κεφαλάκι
κοιμούμ’νε	κοιμόμουν
λυπούμαι	λυπάμαι
μακρά	(επιρρ.) μακριά, (επιθ.) μακρινά, απομακρυσμένα
μετ’	μαζί με (με αιτιατική), με (τρόπος)
παντέμορφον	πανέμορφο/η
πολλά	(επίθ.) πολλά, (επίρρ.) πολύ
’ς	(ας) από
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
σεβντάν	αγάπη, έρωτα	sevda/sevdā
τελέν’	(μεταβ.) τελειώνω/ει κτ