Προβολή Τραγουδιού
Ένοιξες την καρδία μ’ |
Αχ! ΡωμανίαΣτιχουργοί: Γεώργιος Σπινθηρόπουλος
Συνθέτες: Γεώργιος Σπινθηρόπουλος
Καλλιτέχνες: Μέλη Ραμπίδου, Χρήστος Ραμπίδης
Ένοιξες και την καρδία μ’, ήλε μ’ ακριβέ Όντες είπες αγαπώ σε -ν-, έρθες και σ’ εμέν Χ̌αίρεται η ψ̌η μ’, χ̌αίρεται η ψ̌η μ’ Έχω εσέναν σην εγκάλια μ’, ’κι πατώ ση γην Έχω εσέναν σην εγκάλια μ’, σεβνταλίν πουλί μ’ Και τη μέραν και την νύχταν δί’ς με εσύ ζωήν Όντες είμαι σην εγκάλια σ’ λύεται η ψ̌η μ’ Χ̌αίρεται η ψ̌η μ’, χ̌αίρεται η ψ̌η μ’ Έχω εσέναν σην εγκάλια μ’, ’κι πατώ ση γην Έχω εσέναν σην εγκάλια μ’, σεβνταλίν πουλί μ’ Όσα χρόνια κι αν δι͜αβαίν’νε εσέν αγαπώ Τ’ εμόν είσαι εσύ ο ήλιον, για τ’ εσένα ζω Χ̌αίρεται η ψ̌η μ’, χ̌αίρεται η ψ̌η μ’ Έχω εσέναν σην εγκάλια μ’, ’κι πατώ ση γην Έχω εσέναν σην εγκάλια μ’, σεβνταλίν πουλί μ’ Χ̌αίρεται η ψ̌η μ’, χ̌αίρεται η ψ̌η μ’ Έχω εσέναν σην εγκάλια μ’, ’κι πατώ ση γην Έχω εσέναν σην εγκάλια μ’, σεβνταλίν πουλί μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| δι͜αβαίν’νε | (για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν | διαβαίνω | |
| δί’ς | δίνεις | ||
| εγκάλια | αγκαλιά | ||
| εμόν | δικός/ή/ό μου | ἐμοῦ | |
| ένοιξες | άνοιξες | ||
| έρθες | ήρθες | ||
| ’κι | δεν | οὐκί<οὐχί | |
| λύεται | λιώνει | ||
| όντες | όταν | ||
| όσα | όσες φορές | ||
| σεβνταλίν | ερωτοχτυπημένη/ο, ερωτευμένη/ο, ερωτικό | sevdalı | |
| ψ̌η | ψυχή |
