Βάλτε ρακίν

Προβολή Τραγουδιού

Στιχουργοί: Γεώργιος Σπινθηρόπουλος, Κωνσταντίνος Φιλιππίδης

Συνθέτες: Γεώργιος Σπινθηρόπουλος, Κωνσταντίνος Φιλιππίδης

Καλλιτέχνες: Θεόδωρος Βεροιώτης, Μέλη Ραμπίδου, Χρήστος Ραμπίδης

expand_content

Ρακί σο ποτήρ’ βάλτεν με,
βάλτεν για να μεθύνω
Τα τέρτι͜α ντ’ ετοπλάεψα
απέσ’ ι-μ’ για να σβήνω

Βάλτε ρακίν, βάλτεν κρασί,
φέρ’τεν κι άλλα πουκάλια
Και τα στραβά κι ανάποδα,
παιδία, ελέπω ομάλια

Εμένα μη τερείτε με
δα̤κρόπα αν θα ’κχ̌ύνω
Η καρδι͜ά μ’ πώς βρουλίεται,
το τέρτι μ’ πώς ’α σβήνω;

Βάλτε ρακίν, βάλτεν κρασί,
φέρ’τεν κι άλλα πουκάλια
Και τα στραβά κι ανάποδα,
παιδία, ελέπω ομάλια

Σο κατωθύρ’ εβγάλτε με,
αέραν για να παίρω
’Φουρκίγ̆α, λύεται -ν- η ψ̌η μ’,
παρηγορίαν θέλω

Βάλτε ρακίν, βάλτεν κρασί,
φέρ’τεν κι άλλα πουκάλια
Και τα στραβά κι ανάποδα,
παιδία, ελέπω ομάλια

Γλωσσάρι

Κείμενο	Επεξήγηση	Ετυμ. Ρίζα
’α	θα
απέσ’	μέσα
βρουλίεται	φλέγεται, καίγεται	brûler
δα̤κρόπα	(υποκορ.) δάκρυα
ελέπω	βλέπω
ετοπλάεψα	μάζεψα, συγκέντρωσα	toplamak
κατωθύρ’	κατώφλι, η παράπλευρη και κάτω ξύλινη δοκός της πόρτας, ο πρόδρομος
’κχ̌ύνω	εκχύνω, χύνω, εκβάλλω	εκχύνω<ἐγχέω< ἐν + χέω
λύεται	λιώνει
μεθύνω	μεθάω
ομάλια	ομαλοί δρόμοι, ευθείες, πεδιάδες, ομαλά (επίρρ)
παιδία	παιδιά
παίρω	παίρνω
παρηγορίαν	παρηγοριά
ρακί	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
τερείτε	κοιτάτε
τέρτι	καημός, βάσανο, στενοχώρια	dert
τέρτι͜α	καημοί, βάσανα, στενοχώριες	dert
φέρ’τεν	(προστ.) φέρτε
’φουρκίγ̆α	(εφουρκίγα) πνίγηκα
ψ̌η	ψυχή