Ποντιακός Στίχος

Προβολή Τραγουδιού

Κατεβάστε τους στίχους σε PDF

Φαρμακώστε με

Αγαπώ σε, λέγω σεΑγαπώ σε, λέγω σε

Στιχουργοί: Κώστας Θεοδοσιάδης

Συνθέτες: Κώστας Θεοδοσιάδης

Καλλιτέχνες: Κώστας Σιδηρόπουλος, Μπάμπης Κεμανετζίδης


Φαρμακώστε με! Φαρμακώστε με!
Δώστε με φαρμάκ’ ας πίνω,
άλλα δακρόπα μη ’κχ̌ύνω!
Φαρμακώστε με! Φαρμακώστε με!
Ετελέθεν το τερμάνι μ’¹,
άλλον ψ̌ην ’κ’ έχω απάν’ ι-μ’
Φαρμακώστε με! Φαρμακώστε με!

Δείξτε με κρεμόν! Δείξτε με κρεμόν!
Ας πάω, ρούζω και χάμαι,
η εγάπη μ’ ’κι αγαπά με!
Δείξτε με κρεμόν! Δείξτε με κρεμόν!
Για τ’ εμέναν να μη κλαίτε,
«εγουρταρεύτεν» να λέτε
Δείξτε με κρεμόν! Δείξτε με κρεμόν!

Θανατώστε με! Θανατώστε με!
Βάλτε με απέσ’ σο χώμαν,
αγαπώ -γ- ατεν ακόμα!
Θανατώστε με! Θανατώστε με!
Θάνατος ’κι κουρταρεύ’ με,
τιδέν ’κι παρηγορεύ’ με
Θανατώστε με! Θανατώστε με!
Γλωσσάρι
ΚείμενοΕπεξήγησηΕτυμ. ΡίζαΠροέλευση
απάν’πάνω
απέσ’μέσα
ατεναυτήν
δακρόπα(υποκορ.) δάκρυα
εγάπηαγάπη
εγουρταρεύτενσώθηκε, διασώθηκε kurtarmak
ετελέθεν(αμτβ.) τελείωσε, εξαντλήθηκε, μτφ. πέθανε
’κ’δεν οὐκί<οὐχί
’κιδεν οὐκί<οὐχί
κουρταρεύ’σώνω/ει, διασώζω/ει kurtarmak
κρεμόνγκρεμό
’κχ̌ύνωεκχύνω, χύνω, εκβάλλω εκχύνω<ἐγχέω< ἐν + χέω
ρούζωπέφτω, ρίπτω
τερμάνιθεραπεία, δύναμη, μτφ. λύση derman/dermān
τιδέντίποτα
χάμαιχάνομαι, μτφ. πεθαίνω
ψ̌ηνψυχή
Σημειώσεις
¹ Ακούγεται να τραγουδάει εκ παραδρομής κάτι άλλο

Ποντιακός Στίχος - Pontian Lyrics 2025

Τραγούδια: 9575 | Albums/Singles: 1694 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr