Εφώταξεν τ’ οσπίτι σ’

Προβολή Τραγουδιού

Τ’ οσπιτόπο σ’ εφώταξεν
κι όλεν η γειτονία
Σο χ̌ειμωγκόν η άνοιξη
[οφέτος, ξαν οφέτος]
θα έρ’ται κι αλλομίαν

Εξέβες ας σο παραθύρ’,
τ’ εμόν η χρά εκχ̌ύεν
Γεράν έντον το καρδόπο μ’,
[οφέτος και -ν- οφέτος]
εκάεν κι εμανίεν

Θα παίρω και θα δείκω σε
σον ήλιον να θολούται
Την εμορφάδα σ’ να ελέπ’
[οφέτος και -ν-/ξαν οφέτος]
(κι) ατός να παλαλούται

Θα κουτουρεύ’νε/γουτουρεύ’νε οι τουσ̌μάν’
ερχάλ¹ ντο αγαπώ σε
’Κι θέλ’νε να ελέπ’νε με
[οφέτος και -ν- οφέτος]
σ’ εγκάλια μ’ να κρατώ σε

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
ας σο	απ’ το	ασό σο (από το)
ατός	αυτός
γεράν	πληγή, τραύμα	yara
γουτουρεύ’νε	λυσσάνε, κάνουν αταξίες, ξεσαλώνουν	kudurmak
δείκω	δείχνω, καταδεικνύω
εγκάλια	αγκαλιά
εκάεν	κάηκε
εκχ̌ύεν	εκχύθηκε, χύθηκε, εξέρρευσε	εκχύνω<ἐγχέω< ἐν + χέω
ελέπ’	βλέπει/βλέπω
ελέπ’νε	βλέπουνε
εμανίεν	μαύρισε/μουντζουρώθηκε από την καπνιά, καταστράφηκε, κατακάηκε μέχρι καπνιάς
εμόν	δικός/ή/ό μου	ἐμοῦ
εμορφάδα	ομορφιά
έντον	έγινε
εξέβες	βγήκες
έρ’ται	έρχεται
ερχάλ	σε κάθε περίπτωση, πάντως, πιθανότατα	herhâlde
εφώταξεν	φώτισε
θέλ’νε	θέλουν
θολούται	θολώνει
καρδόπο	καρδούλα
’κι	δεν	οὐκί<οὐχί
κουτουρεύ’νε	λυσσάνε, κάνουν αταξίες, ξεσαλώνουν	kudurmak
ξαν	πάλι, ξανά
όλεν	όλη/ο, ολόκληρη/ο
οσπιτόπο	σπιτάκι	hospitium<hospes + -όπον
οφέτος	φέτος
παίρω	παίρνω
παλαλούται	τρελαίνεται
τουσ̌μάν’	εχθροί	düşman/duşmān
χ̌ειμωγκόν	(ονομ.) χειμώνας, (γεν.) χειμώνα
χρά	χροιά, το χρώμα του δέρματος, όψη

Σημειώσεις

¹ Ακούγεται να τραγουδάει πιθ. εκ παραδρομής «αρχάλ»