Προβολή Τραγουδιού
Τη χαρά σ’ τρώγω, μανίτσα μ’ |
Για τα έμορφα τ’ ομμάτι͜α σ’Στιχουργοί: Γιώργος Μαυρίδης
Συνθέτες: Γιάννης Μιχαηλίδης
Καλλιτέχνες: Γιώργος Ατματσίδης, Θεόφιλος Σεχίδης
Τη χαρά σ’ τρώγω, μανίτσα μ’, αγαπάς με εξέρ’ ατο Λόγο σο κορίτσ’ εδέκα, νύφε ’σπίτ’ να φέρ’ ατο Έναν κι έναν είμες δύο, τρία, μάνα μ’, μετ’ ατέν Την καρδία μ’ θα μοιράζω το κορτσόπο μ’ και -ν- εσέν Άνοιξον την πόρταν, μάνα, τέρεν ντ’ έγκα σε -ν- εγώ Άγγελον κρατώ σα χ̌έρι͜α μ’, σην καρδία μ’ το Θεόν Άγγελον κρατώ σα χ̌έρι͜α μ’, σην καρδία μ’ το Θεόν Άνοιξον την πόρταν, μάνα, νύφεν έγκα σε -ν- εγώ Τη χαρά σ’ τρώγω, μανίτσα μ’, έναν έ͜εις με μαναχόν Καλωσόρτσον ατέν νύφε, ποίσον το χατίρ’ τ’ εμόν Έναν κι έναν είμες δύο, τρία, μάνα μ’, μετ’ ατέν Σην καρδία μ’ έχω μόνο το κορτσόπο μ’ και -ν- εσέν Άνοιξον την πόρταν, μάνα, τέρεν ντ’ έγκα σε -ν- εγώ Άγγελον κρατώ σα χ̌έρι͜α μ’, σην καρδία μ’ το Θεόν Άγγελον κρατώ σα χ̌έρι͜α μ’, σην καρδία μ’ το Θεόν Άνοιξον την πόρταν, μάνα, νύφεν έγκα σε -ν- εγώ (x3)
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άνοιξον | (προστ.) άνοιξε | ||
| ατέν | αυτήν | ||
| έ͜εις | έχεις | ||
| έγκα | έφερα | ||
| εδέκα | έδωσα | ||
| είμες | είμαστε | ||
| εμόν | δικός/ή/ό μου | ἐμοῦ | |
| εξέρ’ | ξέρω/ει, γνωρίζω/ει | ||
| καλωσόρτσον | (προστ.) καλωσόρισε | ||
| κορτσόπο | κοριτσάκι | ||
| μαναχόν | (έναρθρο) μοναχός, μοναχό, (επίρρ) μόνο/μοναχά | ||
| μετ’ | μαζί με (με αιτιατική), με (τρόπος) | ||
| νύφε | νύφη | ||
| νύφεν | νύφη | ||
| ποίσον | (προστ.) κάνε, φτιάξε | ποιέω, ποιῶ | |
| τέρεν | (προστ.) κοίταξε | ||
| φέρ’ | φέρνω/ει | ||
| χατίρ’ | χάρη, σεβασμός, υπόληψη | hatır/ḫāṭir |
