Ποντιακός Στίχος

Προβολή Τραγουδιού

Κατεβάστε τους στίχους σε PDF

Λελεύω σε

Για τα έμορφα τ’ ομμάτι͜α σ’Για τα έμορφα τ’ ομμάτι͜α σ’

Στιχουργοί: Γιώργος Μαυρίδης

Συνθέτες: Γιάννης Μιχαηλίδης

Καλλιτέχνες: Γιώργος Ατματσίδης, Θεόφιλος Σεχίδης


Έλα, γιαβρί μ’, το μεσανύχτ’
σον τόπον που εξέρτς
Έλα απόψ’ και αύριο,
ευτάγω ήνταν θέλτς

Λελεύω σε, ’κι παίζω σε,
άκ’σον ντο λέγω σε
Τρώγω τ’ ομμάτι͜α σ’ τ’ έμορφα,
εγώ θα παίρω σε

Σο λόγο μ’ είμαι άγουρος,
το ψέμαν ’κι αγαπώ
Τον κόσμον άφ’ς και πίστεψον
ντο λέγω σε εγώ

Λελεύω σε, ’κι παίζω σε,
άκ’σον ντο λέγω σε
Τρώγω τ’ ομμάτι͜α σ’ τ’ έμορφα,
εγώ θα παίρω σε

Έλα, γιαβρί μ’, το μεσανύχτ’
κρυφά μ’ ελέπ’νε σε
Εσύ είσαι καλόν κορίτσ’,
κακό θα λένε σε

Λελεύω σε, ’κι παίζω σε,
άκ’σον ντο λέγω σε
Τρώγω τ’ ομμάτι͜α σ’ τ’ έμορφα,
εγώ θα παίρω σε
Γλωσσάρι
ΚείμενοΕπεξήγησηΕτυμ. ΡίζαΠροέλευση
άγουροςνέος άνδρας
άκ’σον(προστ.) άκουσε
άφ’ς(προστ.) άφησε
γιαβρίμωρό, μικρό, παιδί yavru
ελέπ’νεβλέπουνε
έμορφαόμορφα
εξέρτςξέρεις, γνωρίζεις
ευτάγωκάνω, φτιάχνω εὐθειάζω
ήντανοτιδήποτε, ό,τι
θέλτςθέλεις
’κιδεν οὐκί<οὐχί
λελεύωχαίρομαι
μεσανύχτ’μεσάνυχτα
ομμάτι͜αμάτια
παίρωπαίρνω
πίστεψον(προστ.) πίστεψε

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr