Κορτσόπον μικρόν μικρόν

Προβολή Τραγουδιού

Καλλιτέχνες: Αλεξάνδρα Ασλανίδου, Τάκης Ιωαννίδης

Κορτσόπον, είσαι έμορφον
με τα πολλά τα κάλλια σ’
Άνοιξον τα ξερόχ̌ερα σ’
κι έπαρ’ με σην εγκάλια σ’

Κορτσόπον μικρόν μικρόν,
πιτσ̌ιμλίσσα κι έμορφον
Τα παλληκάρι͜α τοξεύ’ς
και καρδόπα τογραεύ’ς

Άσπρα φορείς, άσπρα αναλλά͜εις,
άσπρον η φορεσία σ’
Άσπρα τσ̌ιτσ̌έκια ’κχ̌ύουνταν
ας σην πορπατησία σ’

Κορτσόπον μικρόν μικρόν,
πιτσ̌ιμλίσσα κι έμορφον
Τα παλληκάρι͜α τοξεύ’ς
και καρδόπα τογραεύ’ς

Γλωσσάρι

Κείμενο	Επεξήγηση	Ετυμ. Ρίζα
αναλλά͜εις	φοράς τα καλά/γιορτινά σου ρούχα
άνοιξον	(προστ.) άνοιξε
εγκάλια	αγκαλιά
έμορφον	όμορφο
έπαρ’	(προστ.) πάρε
κάλλια	κάλλη
καρδόπα	καρδούλες
κορτσόπον	κοριτσάκι
’κχ̌ύουνταν	εκχύνονται, χύνονται, εκρέουν	εκχύνω<ἐγχέω< ἐν + χέω
πιτσ̌ιμλίσσα	όμορφη, καλοσχηματισμένη, κομψή	biçimli
πολλά	(επίθ.) πολλά, (επίρρ.) πολύ
πορπατησία	περπατησιά, περπάτημα
τογραεύ’ς	κομματιάζεις	doğramak
τσ̌ιτσ̌έκια	λουλούδια	çiçek
φορεσία	φορεσιά, ένδυση