Προβολή Τραγουδιού
Τ’ ανοιγάρ’ |

Στιχουργοί: Παναγιώτης Αμοιρίδης
Συνθέτες: Γιάννης Μακρίδης
Καλλιτέχνες: Γιάννης Μακρίδης, Δημήτρης Ιωακειμίδης
Όι, ν’ αηλί εμέναν, γιαρ! Πώς να ευρήκω τ’ ανοιγάρ’; ’Κ’ εύρα ’το και λύουμαι, φοούμαι φουρκίουμαι ’Κ’ εύρα ’το και λύουμαι, για τ’ εσέν φουρκίουμαι ♫ Ερρούξα απέσ’ σο ποτάμ’ να ’βρήκω τ’ ανοιγάρι͜α σ’ Την ώρα ντο επλύσκουσ’νε κι εφάνθαν τα ποδάρι͜α σ’ Όι, ν’ αηλί εμέναν, γιαρ! Πώς να ευρήκω τ’ ανοιγάρ’; ’Κ’ εύρα ’το και λύουμαι, φοούμαι φουρκίουμαι Επεκουμπίεν το καμίσ’, Θεέ μ’, αΐκα κάλλια! Είπα «σα ψ̌ήα σ’ βάλον με ας έν’ με παρακάλια» Όι, ν’ αηλί εμέναν, γιαρ! Πώς να ευρήκω τ’ ανοιγάρ’; ’Κ’ εύρα ’το και λύουμαι, φοούμαι φουρκίουμαι Χωρίς λετσ̌έκ’ ο πρόσωπο σ’, οφίδι͜α τα μαλλία σ’ Τρί’ ώρας επολέμανα ν’ ανοίγω την καρδία σ’ Όι, ν’ αηλί εμέναν, γιαρ! Πώς να ευρήκω τ’ ανοιγάρ’; ’Κ’ εύρα ’το και λύουμαι, φοούμαι φουρκίουμαι
Κείμενο | Επεξήγηση | Ετυμ. Ρίζα | Προέλευση |
---|---|---|---|
αηλί | αλίμονο | ἀ- + μεσαιωνική ελληνική ἠλί < εβραϊκά אל (θεός) | |
αΐκα | τέτοια/ες | ||
ανοιγάρ’ | κλειδί | ||
ανοιγάρι͜α | κλειδιά | ||
απέσ’ | μέσα | ||
βάλον | (προστ.) βάλε | ||
’βρήκω | (ευρήκω) βρίσκω | ||
γιαρ | αγαπητός/ή/ό, αγάπη | yâr | |
έν’ | είναι | ||
επεκουμπίεν | ξεκουμπώθηκε | ||
επλύσκουσ’νε | πλενόσουν | ||
επολέμανα | πολεμούσα, μτφ. προσπαθούσα | ||
ερρούξα | έπεσα | ||
εύρα | βρήκα, (ιδιωμ. προστ.) βρες | ||
ευρήκω | βρίσκω | ||
εφάνθαν | φάνηκαν, εμφανίστηκαν | ||
’κ’ | δεν | οὐκί<οὐχί | |
κάλλια | κάλλη | ||
καμίσ’ | πουκάμισο | καμίσιον<camisia=λινό ρούχο | |
λετσ̌έκ’ | γυναικείο μαντίλι που χρησίμευε ως κάλυμμα κεφαλής δεμένο σε σχήμα τριγώνου | leçek<laçak | |
λύουμαι | λιώνω | ||
ν’ αηλί | αλίμονο | μεσαιων. ελλ. ἀλί<ἀ- + ἠλί (εβραϊκά אל)= θεός | |
οφίδι͜α | φίδια | ||
ποδάρι͜α | πόδια | ||
ποτάμ’ | ποτάμι | ||
’το | αυτό, το (προσωπική αντωνυμία) | ||
τρί’ | τρεις | ||
φοούμαι | φοβάμαι | ||
φουρκίουμαι | πνίγομαι | ||
ψ̌ήα | ψυχές, η περιοχή του στέρνου, τα εσώψυχα | ||
ώρας | ώρες |