Πουλί μ’, όλα ενέσπαλες

Προβολή Τραγουδιού

Τα Ποντιακά | Γιώτης Κοσμίδης-Γιώτα Παπαδοπούλου

Καλλιτέχνες: Γιώτα Παπαδοπούλου, Παναγιώτης Κοσμίδης

Εσύ εμένα έλεγες
και σην εγκάλα̤ μ’ έκλαιγες
«σουμά σ’ ας ευρίουμαι,
’κι θέλω να χωρίγουμες¹»

Αδά σον κόσμον απάν’
εσύ δί’ς με τη χαράν
Εσέν εγώ αγαπώ,
μακρά σ’ να ζω ’κ’ επορώ

Εφέκες και -ν- έφυγες,
χώρας καρδίαν έφτυσες
Κάποτε θα πουσ̌μανεύ’ς,
εσύ εμέναν θ’ αραεύ’ς

Η χώρα επέρεν τα μυαλά σ’,
ας σα πόνα̤ μ’ ’κ’ εγροικάς
Πουλί μ’, όλα̤ ενέσπαλες,
την καρδία μ’ έκαψες

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
απάν’	πάνω
αραεύ’ς	ψάχνεις, αναζητάς, γυρεύεις	aramak
ας σα	απ’ τα	ασό σα (από τα)
δί’ς	δίνεις
εγκάλα̤	αγκαλιά
εγροικάς	καταλαβαίνεις
ενέσπαλες	ξέχασες
επέρεν	πήρε
επορώ	μπορώ
ευρίουμαι	βρίσκομαι
εφέκες	άφησες
έφτυσες	άναψες
’κ’	δεν	οὐκί<οὐχί
’κι	δεν	οὐκί<οὐχί
μακρά	(επιρρ.) μακριά, (επιθ.) μακρινά, απομακρυσμένα
πόνα̤	(αιτ.) πόνοι, πόνους
πουσ̌μανεύ’ς	μετανιώνεις	pişman olmak<paşmān
σουμά	κοντά
χώρα	οι ξένοι γενικά, οι μη οικείοι, η ξενιτειά
χώρας	ξένος/η/ο/οι γενικά, οι/το/τα μη οικείο/α, ξενιτειάς
χωρίγουμες	χωριζόμαστε, χωρίζουμε

Σημειώσεις

¹ Ακούγεται πιθ. εκ παραδρομής να τραγουδάει «χωρίγουμαι»