Εσέν αγαπώ

Προβολή Τραγουδιού

Τα Ποντιακά | Γιώτης Κοσμίδης-Γιώτα Παπαδοπούλου

Καλλιτέχνες: Γιώτα Παπαδοπούλου, Παναγιώτης Κοσμίδης

Αγαπώ τα χ̌είλα̤ σ’, πουλί μ’,
και το φίλεμα σ’
Αγαπώ τ’ ομμάτα̤ σ’, γιάβρι μ’,
και το τέρεμα σ’
[Αμάν!] και το τέρεμα σ’

Να λελεύω τη λαλία σ’
όντες τραγωδείς
Να λελεύω τα χ̌ερόπα σ’
εμέν ντο κρατείς
[Αμάν!] εμέν ντο κρατείς

Όσα χρόνα̤ κι αν περάν’νε
’κι ανασπάλλω σε
Ας σο νου μ’ ούτ’ έναν ώραν
’κι θα βγάλω σε!
[Αμάν!] ’κι θα βγάλω σε

Γλωσσάρι

Κείμενο	Επεξήγηση	Ετυμ. Ρίζα
ανασπάλλω	ξεχνώ
γιάβρι	μωρό, μικρό, παιδί	yavru
’κι	δεν	οὐκί<οὐχί
κρατείς	κρατάς
λαλία	λαλιά, φωνή
λελεύω	χαίρομαι
ομμάτα̤	μάτια
όντες	όταν
όσα	όσες φορές
περάν’νε	περνάνε
τέρεμα	βλέμμα
τραγωδείς	τραγουδάς
φίλεμα	φιλί
χ̌είλα̤	χείλια
χ̌ερόπα	χεράκια
χρόνα̤	χρόνια