Έλα έλα

Προβολή Τραγουδιού

Οψέ κι οσήμερον | Θα πουλώ -γ- ατα και φεύω

Καλλιτέχνες: Γιάννης Τσανάκαλης, Σταυρούλα Στεφανίδου

Εγώ, πουλί μ’, εγάπεσα
τ’ εσά τα εμορφάδες,
το νόστιμον το φίλεμα σ’,
τ’ έμορφον την εγκάλα̤ σ’

Έλα, έλα, έλα, πουλί μ’, έλα!
Έλα, έλα, έλα, γιάβρι μ’, έλα!
Σ’ εγκαλόπο μ’ χαμογέλα

Έναν παιδίν εγάπεσα
κι εχάρτσα την καρδία μ’
Τα νύχτας όντες τραγωδώ
ας ακούει τη λαλία μ’

Έλα, έλα, έλα, πουλί μ’, έλα!
Έλα, έλα, έλα, γιάβρι μ’, έλα!
Σ’ εγκαλόπο μ’ χαμογέλα

Φίλ’ με και τέρ’ με -ν- έναν ξάι
τ’ ομμάτα̤ μ’ ντο θα λέγ’νε
Με τη χαράς τα δα̤κρόπα
τα μάγ’λα μ’ πώς θα καίγ’νε

Έλα, έλα, έλα, πουλί μ’, έλα!
Έλα, έλα, έλα, γιάβρι μ’, έλα!
Σ’ εγκαλόπο μ’ χαμογέλα

Γλωσσάρι

Κείμενο	Επεξήγηση	Ετυμ. Ρίζα
γιάβρι	μωρό, μικρό, παιδί	yavru
δα̤κρόπα	(υποκορ.) δάκρυα
εγάπεσα	αγάπησα
εγκάλα̤	αγκαλιά
εγκαλόπο	αγκαλιά, αγκαλίτσα
έμορφον	όμορφο
έναν ξάι	λίγο, μια σταλιά
εσά	δικά σου/σας
εχάρτσα	χάρισα
καίγ’νε	καίνε
λαλία	λαλιά, φωνή
λέγ’νε	λένε
μάγ’λα	μάγουλα	magulum
νύχτας	(ον.πληθ.,τα) νύχτες
ξάι	καθόλου
ομμάτα̤	μάτια
όντες	όταν
τέρ’	(προστ.) κοίταξε
τραγωδώ	τραγουδάω
φίλ’	(προστ. φιλώ) φίλα, (πληθ. φίλον) φίλοι
φίλεμα	φιλί