Ένας νέος υποφέρ’

Προβολή Τραγουδιού

Καλλιτέχνες: Σταυρούλα Στεφανίδου, Τάκης Ιωαννίδης

Ένας νέος υποφέρ’,
σην καρδίαν έχ̌’ μαχ̌αίρ’
και αγιάτρευτον γεράν
για το πρώτον τη σεβντάν

Με τα ώρας πίν’ ρακίν
και ο νέον ’κι μεθύν’
Το ποτήρ’ σο χ̌έρ’ κρατεί
και κανέναν ’κι τερεί

Η σεβντά έχ̌’ και καημόν
και τα ψ̌ήα φαρμακών’
Θα βραδύν’ και θα μερών’,
θ’ ανασπάλ’ με τον καιρόν

Έλα, φίλε, μετ’ εμάς,
θα πονείς όθεν κι αν πας
Με τοι φίλτς να ξημερώντς,
τη γερὰ σ’ για να λαρώντς

Γλωσσάρι

Κείμενο	Επεξήγηση	Ετυμ. Ρίζα
ανασπάλ’	ξεχάσω/ει
βραδύν’	βραδιάζει
γερὰ	πληγή, τραύμα	yara
γεράν	πληγή, τραύμα	yara
έχ̌’	έχει
’κι	δεν	οὐκί<οὐχί
κρατεί	κρατάει, βαστάει, στέκει, αντέχει
λαρώντς	γιατρεύεις, θεραπεύεις
μαχ̌αίρ’	μαχαίρι
μεθύν’	μεθάει
μερών’	μερώνει, ξημερώνει
μετ’	μαζί με (με αιτιατική), με (τρόπος)
όθεν	όπου, οπουδήποτε, σε όποιον
πίν’	πίνει
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβντά	αγάπη, έρωτας	sevda/sevdā
σεβντάν	αγάπη, έρωτα	sevda/sevdā
τερεί	κοιτάει
τοι	τους/τις
φίλτς	φίλους
χ̌έρ’	χέρι
ψ̌ήα	ψυχές, η περιοχή του στέρνου, τα εσώψυχα
ώρας	ώρες