Κάποτε νέος έμ’νε

Προβολή Τραγουδιού

Κάποτε νέος έμ’νε
κι ο κόσμον εθέλ’νε με
Έλεγανε με «γιοσμά»
τ’ έμορφα τα κορτσόπα

Έμ’νε νέικον παλληκάρ’
κι έστεκα σ’ έναν ποδάρ’
Κι ατώρα πως ένουμ’νε
σον κόσμον ’κι φαίνουμαι

Έσπρυναν τα μαλλία μ’,
γεραλίν η καρδία μ’
Τα ποδάρι͜α μ’ ’κι κρατούν
και τ’ ωτία μ’ ξάι ’κι ακούν

Ατώρα ’κι θέλ’νε με,
σ’κούνταν και χατεύ’νε με
Γέρο, γέρο, πού θα πας;
κάποτε πα θα ψοφάς!

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
γεραλίν	πληγωμένο, τραυματισμένο	yaralı
γιοσμά	κομψός, λεβέντης νέος	yosma
εθέλ’νε	θέλουν
έμ’νε	ήμουν
έμορφα	όμορφα
ένουμ’νε	έγινα
έσπρυναν	άσπρισαν
θέλ’νε	θέλουν
’κι	δεν	οὐκί<οὐχί
κορτσόπα	κοριτσάκια
νέικον	νέο, νεαρό
ξάι	καθόλου
πα	πάλι, επίσης, ακόμα
ποδάρ’	πόδι
ποδάρι͜α	πόδια
σ’κούνταν	σηκώνονται
χατεύ’νε	διώχνουν	atmak
ωτία	αυτιά