Ποντιακός Στίχος

Προβολή Τραγουδιού

Κατεβάστε τους στίχους σε PDF

Εβράδυνεν η Κερεκή

Να παίρτς τη μάνας την ευχ̌ήνΝα παίρτς τη μάνας την ευχ̌ήν

Στιχουργοί: Σάββας Λαζαρίδης

Συνθέτες: Σάββας Λαζαρίδης

Καλλιτέχνες: Σάββας Λαζαρίδης


Εβράδυνεν η Κερεκή,
εμέρωσεν η μέρα
Μαύρον χαπάρ’ σην ξενιτει͜ά -ι,
πουλόπο μ’, πώς επέρα!

Δα̤κρώθανε τ’ ομματόπα μ’,
εκόπεν η λαλία μ’
Μαυρομαχ̌αιρόπα γιατί
Θέ μ’, ’ντώκες σην καρδία μ’;

Ανάθεμα -ι τον Χάρονταν,
ατόν ντο παίρ’ τα ψ̌ήα
Και τον ταή μ’ πέει, πέει γιατί,
ετύλτσες σα χαρτία σ’

Χαράντας, γέλ’τα εκόπανε
σ’ οσπίτ’ν ατ’, σα παιδία τ’
’Φέκεν γαρήν, μάναν, κύρη,
έκαψεν πολλά ψ̌ήα

Θεέ μ’, ολίγον τσ̌ούξον μας
Εσύ τον λόγο π’ έχεις
Σ’ εσόν το γιάν’ ατός καικά -ι
λίγον τόπον ας έχει
Γλωσσάρι
ΚείμενοΕπεξήγησηΕτυμ. ΡίζαΠροέλευση
ατόςαυτός
γαρήν(αιτ.) γυναίκα karı
γέλ’ταγέλια
γιάν’πλάι, πλευρά yan
εβράδυνενβράδιασε
εκόπανεκοπήκαν
εκόπενκόπηκε
εμέρωσενξημέρωσε
επέραπήρα
εσόνδικός/ή/ό σου
ετύλτσεςτύλιξες
Θέ(κλητ.) Θεέ
καικάπρος τα κάτω, εκεί ακριβώς, κοντά
ΚερεκήΚυριακή
λαλίαλαλιά, φωνή
’ντώκες(εντώκες) χτύπησες, έκανες να
ολίγονλίγο
ομματόπαματάκια
οσπίτ’νσπίτι hospitium<hospes
παιδίαπαιδιά
παίρ’παίρνω/ει
πέει(προστ.) πες
πολλά(επίθ.) πολλά, (επίρρ.) πολύ
πουλόποπουλάκι
ταήθείο! dayı
τσ̌ούξον(προστ.) λυπήσου, συμπόνεσε acımak
’φέκεν(εφέκεν) άφησε
χαπάρ’χαμπάρι, είδηση, μαντάτο haber/ḫaber
χαράνταςχαρές, γάμοι
ψ̌ήαψυχές, η περιοχή του στέρνου, τα εσώψυχα

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr