Νε ολάν -ι Γέμουρα

Προβολή Τραγουδιού

Καλλιτέχνες: Θωμάς Μπαϊραχτάρης, Πόλυς Παυλίδης

Τ’ αλογόπο μ’ κωδωνίζ’
[νε ολάν -ι Γέμουρα]
και η λύρα μ’ μουρδουλίζ’
[νε ολάν -ι Γέμουρα]
Ο αγράνεμον σ̌υρίζ’
[νε ολάν -ι Γέμουρα]
και τ’ αρνόπο μ’ κοκκινίζ’
[νε ολάν -ι Γέμουρα]

Τ’ αιϊδόπον βόσ̌κεται,
[νε ολάν -ι Γέμουρα]
σ̌υρίζ’ ατο κλώσ̌κεται
[νε ολάν -ι Γέμουρα]
Εγώ τηνάν αγαπώ
[νε ολάν -ι Γέμουρα]
μαύρον ζώνη ζώσ̌κεται
[νε ολάν -ι Γέμουρα]

Ακεί πέραν έστεκεν,
[νε ολάν -ι Γέμουρα]
μαύρον κάλτσαν έπλεκεν
[νε ολάν -ι Γέμουρα]
Είπ’ ατέναν «έλα αδά,
[νε ολάν -ι Γέμουρα]
η λαλία μ’ χαμελά»
[νε ολάν -ι Γέμουρα]

Τ’ άλογο μ’ ’καβάλκεψα,
[νε ολάν -ι Γέμουρα]
τα χωρία λάσκουμαι
[νε ολάν -ι Γέμουρα]
Όθεν έμορφον κορίτσ’
[νε ολάν -ι Γέμουρα]
φιλώ κι αγκαλιάσκουμαι
[νε ολάν -ι Γέμουρα]

Γλωσσάρι

Κείμενο	Επεξήγηση	Ετυμ. Ρίζα
αγκαλιάσκουμαι	αγκαλιάζω, εναγκαλίζομαι
αγράνεμον	άγριος άνεμος
αδά	εδώ
αιϊδόπον	κατσικάκι
ακεί	εκεί
αλογόπο	αλογάκι
αρνόπο	αρνάκι, χαϊδευτική προσφώνηση γυναίκας
ατέναν	αυτήν
βόσ̌κεται	βοσκάει
έμορφον	όμορφο
ζώσ̌κεται	ζώνεται, φοράει πάνω του	ζώννυμι
’καβάλκεψα	(εκαβάλκεψα) ίππευσα, καβάλησα
κλώσ̌κεται	γυρίζει, επιστρέφει
κωδωνίζ’	κουδουνίζει
λαλία	λαλιά, φωνή
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μουρδουλίζ’	γρυλλίζει υπόκωφα, παράγει υπόκωφο ήχο
όθεν	όπου, οπουδήποτε, σε όποιον
ολάν	βρε, βρε συ
σ̌υρίζ’	σφυρίζω/ει	σῦριγξ
τηνάν	αυτόν/ην που
χαμελά	χαμηλά
χωρία	χωριά