Το τουλουμόπον

Προβολή Τραγουδιού

Γλυκέα ο Μήτκας έπαιζεν
πάντα το τουλουμόπον
Νυφόπα εχαρεντέριζεν
με το ζιλ το λαλόπον

Απάν’ σ’ αλώνι͜α ’γούρευεν
χορόντας μερακλία
κι όλα τα τραγωδίας ατ’
έμορφα σεβνταλία

Σο πανοΰρ’ και σο χορόν
ολόερα τ’ κορτσόπα
Καλόγνωμος ’κ’ εχάλαν’νεν
καμίαν χατιρόπα

Παράδες εγαζάνευεν
κι άμον ζεγκίντς εζήν’νεν
Σο μουχαπέτ’ και σο χορόν
τα παλαλά τ’ εποίν’νεν

Ο σύντροφος ατ’ σην ζωήν
έτον το τουλουμόπον
Έσπιγγεν κι ετσιμπόνιζεν
άμον χαράς πουλόπον

Μήτκα, σο τουλουμόπο σου
κρέμασον ζινιχ̌όπα
Ωρι͜άσον ομματι͜άζ’νε σε
τη χώρας τα κορτσόπα/νυφόπα

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
γλυκέα	(επιρρ.) γλυκά
’γούρευεν	(εγούρευεν) έστηνε, τακτοποιούσε, οργάνωνε	kurmak
εγαζάνευεν	κέρδιζε, αποκτούσε πλούτο	kazanmak
εζήν’νεν	ζούσε
έμορφα	όμορφα
εποίν’νεν	έκανε, έφτιαχνε	ποιέω-ῶ
έσπιγγεν	έσφιγγε
έτον	ήταν
ετσιμπόνιζεν	ανέβλυζε με ορμή, (μουσ.) έκανε τα τσιμπόνια του αγγείου να πάλλονται
εχάλαν’νεν	χαλούσε
εχαρεντέριζεν	χαροποιούσε, ψυχαγωγούσε
ζεγκίντς	πλούσιος	zengin/sengīn
ζιλ	οι ψιλά κουρδισμένες χορδές της λύρας, το οξύφωνα κουρδισμένο όργανο	zil
ζινιχ̌όπα	μικρά στολίδια	ziynet/zīnet
’κ’	δεν	οὐκί<οὐχί
καλόγνωμος	αυτός που έχει καλή γνώμη, ήπιος, προσηνής
καμίαν	ποτέ
κορτσόπα	κοριτσάκια
κρέμασον	κρέμασε (προστ.)
λαλόπον	λαλιά, φωνή
μερακλία	με μεράκι, με ιδιαίτερο ζήλο	meraklı/merāḳ
μουχαπέτ’	κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής)	muhabbet/maḥabbet
νυφόπα	νυφούλες
ολόερα	ολόγυρα
ομματι͜άζ’νε	ματιάζουν
παλαλά	τρελά, τρέλες
πανοΰρ’	πανηγύρι
παράδες	λεφτά, χρήματα	para/pāre
πουλόπον	πουλάκι
σεβνταλία	ερωτοχτυπημένα, ερωτευμένα, ερωτικά	sevdalı
τουλουμόπον	παραδοσιακό πνευστό μουσικό όργανο, αποτελούμενο από ασκό και από ξύλινο μέρος	tulum
τραγωδίας	τραγούδια
χορόντας	(ονομ. τα) χοροί, (αιτ.) χορούς
χώρας	ξένος/η/ο/οι γενικά, οι/το/τα μη οικείο/α, ξενιτειάς
ωρι͜άσον	(προστ.) πρόσεξε, φύλαξε, φυλάξου