Η Σαντά

Προβολή Τραγουδιού

Καλλιτέχνες: Γεώργιος Εμμανουηλίδης, Γιάννης Τσανάκαλης, Ντίνα Βασιλειάδου

expand_content

Μάνα, δος μα την ευχ̌ή σ’
και τη κυρού μ’ το μαρτέν’
Η Σαντά τηνάν γεννά
σο ραχ̌ίν πρέπ’ να εβγαίν’

Δος μα τα τσ̌άπουλας ι-μ’,
τα σ̌αγ̆ιάκια μ’ τ’ ορτάρι͜α μ’
Ληγάρι͜α θ’ αχπάσκουμαι
και με τα παλληκάρι͜α

Σο ραχ̌ίν απάν’ θα ζω
άμον άγρι͜ον τσ̌αναβάρ’
Μανίτσα μ’, θα καπαρεύ’ς
και για τ’ εσόν το παλληκάρ’

Μα την ζίπκαν ντο φορώ,
μα ντο κρατώ το μαρτέν’
Ας ση Σαντάν απέσ’ κέσ’
άπιστος ’κι θα δι͜αβαίν’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
απέσ’	μέσα
αχπάσκουμαι	αναχωρώ, φεύγω, κινώ για
δι͜αβαίν’	(για τόπο) περνάει/ώ, διασχίζει/ω, (για χρόνο) περνάει/ώ	διαβαίνω
δος	δώσε
δος μα	δώσε μου
εβγαίν’	βγαίνει
εσόν	δικός/ή/ό σου
ζίπκαν	(γεν, του ζίπκα) ανδρική φορεσιά της εποχής	zıpka<(αμπχαζικά) adziykva (=στενό παντελόνι)
καπαρεύ’ς	φουσκώνεις (από περηφάνεια), καυχιέσαι	kabarmak
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κυρού	πατέρα
ληγάρι͜α	γρήγορα
μαρτέν’	τύπος τυφεκίου	από παραφθορά του Martini–Enfield, εταιρεία κατασκευής τυφεκίων της εποχής
ορτάρι͜α	μάλλινες κάλτσες	ἀορτήρ
ραχ̌ίν	βουνό, ράχη
σ̌αγ̆ιάκια	χονδρά μάλλινα υφάσματα, αυτά που είναι κατασκευασμένα από αυτό το ύφασμα	şayak
τηνάν	αυτόν/ην που
τσ̌αναβάρ’	θηρίο, τέρας, μτφ. παλληκάρι	canavar/cānāver
τσ̌άπουλας	ανδρικά υποδήματα	çapul