Κορτσόπον μικρόν

Προβολή Τραγουδιού

Καλλιτέχνες: Γιώργος Παντοφλίδης, Τάσος Κυριλλίδης

Κορτσόπον μικρόν,
εγώ, πουλί μ’, αγαπώ,
Σην καρδία μ’ έχ’ ατο,
πότε θα ελέπ’ ατο;

Για τ’ εσέν, πουλί μ’,
κάεται αποπέσ’ η ψ̌η μ’
Έλα να ελέπω σε,
εγώ κάτ’ θα λέγω σε

Αγαπώ σε ψ̌η μ’,
λύγουμαι άμον κερίν,
Έλα, πουλί μ’, μετ’ εμέν,
η ζωή ολίγον έν’

Τ’ άστρα τ’ ουρανού
εγώ θα χαρίζω σε
κι ούλα̤, πουλί μ’, τα καλά
εγώ πα θα δίγω σε

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αποπέσ’	από μέσα
δίγω	δίνω
ελέπ’	βλέπει/βλέπω
ελέπω	βλέπω
έν’	είναι
κάεται	καίγεται
κορτσόπον	κοριτσάκι
λύγουμαι	λιώνω
μετ’	μαζί με (με αιτιατική), με (τρόπος)
ολίγον	λίγο
ούλα̤	όλα
πα	πάλι, επίσης, ακόμα
ψ̌η	ψυχή

Σημειώσεις

Φωνητικά: Λάκης Παναγιωτίδης