Προβολή Τραγουδιού
Η μάνα για το παιδίν ατ’ς |
Η μάνα για το παιδίν ατ’ςΣτιχουργοί: Ελένη Αναστασιάδου
Συνθέτες: Λάκης Παναγιωτίδης
Καλλιτέχνες: Ελένη Αναστασιάδου, Λάκης Παναγιωτίδης
Τ’ εμόν μικρόν παιδίν, ’κ’ επορεί να καλατσ̌εύ’ να λέει με «Μάνα, αγαπώ σε, ’κ’ επορώ χωρίς εσέν!» Τυραννίεται η μάνα να τρανύν’ έναν παιδίν Πίκρας, βάσανα και πόνι͜α κρύφτ’ α̤τα απέσ’ σην ψ̌ην Η μάνα για το παιδίν ατ’ς πάντα ευτάει την ευχ̌ήν να τρανύν’ και το παιδίν ατ’ς, να έχ̌’ υείαν ση ζωήν ’Κι λαρούται ο καημός ατ’ς, ντ’ έχ̌’ ατέ για το παιδίν Πάντα ευτάει την ευχ̌ήν ατ’ς, τον Θεόν παρακαλεί Τυραννίεται η μάνα να τρανύν’ έναν παιδίν Πίκρας, βάσανα και πόνι͜α κρύφτ’ α̤τα απέσ’ σην ψ̌ην Η μάνα για το παιδίν ατ’ς πάντα ευτάει την ευχ̌ήν να τρανύν’ και το παιδίν ατ’ς, να έχ̌’ υείαν ση ζωήν Προσ̌κυνά παρακαλεί κι ευτάει έναν τάμαν κι αναμέν’ ας σον Θεόν να ’φτάει έναν θάμαν· Το παιδίν να καλατσ̌εύ’ να κουίζ’ ατεν «μάνα» Κι αναμέν’ ας σον Θεόν να ευτάει έναν θάμαν Η μάνα για το παιδίν ατ’ς πάντα ευτάει την ευχ̌ήν να τρανύν’ και το παιδίν ατ’ς, να έχ̌’ υείαν ση ζωήν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αναμέν’ | περιμένει | ||
| απέσ’ | μέσα | ||
| ατέ | αυτή | ||
| ατεν | αυτήν | ||
| ατ’ς | αυτής, της | ||
| εμόν | δικός/ή/ό μου | ἐμοῦ | |
| επορεί | μπορεί | ||
| επορώ | μπορώ | ||
| ευτάει | κάνει, φτιάχνει | εὐθειάζω | |
| έχ̌’ | έχει | ||
| θάμαν | θαύμα | ||
| ’κ’ | δεν | οὐκί<οὐχί | |
| καλατσ̌εύ’ | μιλάω/ει, συνομιλώ/ει, συζητώ/άει | keleci=καλός λόγος (Παλαιά Τουρκική Ανατολίας) | |
| ’κι | δεν | οὐκί<οὐχί | |
| κουίζ’ | φωνάζω/ει, λαλώ/εί, καλώ/εί κπ ονομαστικά | ||
| κρύφτ’ | κρύβω/ει | ||
| λαρούται | γιατρεύεται, θεραπεύεται | ||
| πίκρας | πίκρες | ||
| πόνι͜α | πόνοι | ||
| τρανύν’ | μεγαλώνω/ει, αναθρέφω/ει | τρανόω-ῶ | |
| τυραννίεται | τυραννιέται, ταλαιπωριέται | ||
| υείαν | υγεία | ||
| ’φτάει | (ευτάει) κάνει, φτιάχνει | εὐθειάζω | |
| ψ̌ην | ψυχή |
