Προβολή Τραγουδιού
Το ποράν’ |
ΜυλεχτόνΣτιχουργοί: Διογένης Αϊνατζής
Συνθέτες: Διογένης Αϊνατζής
Καλλιτέχνες: Διογένης Αϊνατζής
Ο ουρανόν ’σκοτείνεψεν, μαύρα λίβι͜α ’γομώθεν Γιαρτίμ ευτάει σο καρδόπο μ’ ας εσέν ντ’ εματώθεν Έξ’ το ποράν’ εσκάλωσεν, αστράφτ’, βροντά και βρέχ̌ει Σο νου μ’ τα λόγια σ’ ξύφαρον σ̌κίζ’ και χαντζ̌εύ’ τ’ απέσ’ ι-μ’ Τα ποτάμι͜α επλέθυναν, σα θαλασσάκρι͜α τρέχ’νε Και τα δά̤κρυ͜α μ’ αρτούρεψαν, τελεμονήν πα ’κ’ έχ’νε Ὰμα πάντα ’κι θα έν’ ποράν’, βρεχ̌ή και χαλαρδία Κι άμον τ’ οξ̌ουκά θ’ έρ’ται ξαν σην ψ̌η μ’ χαραδοξία
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ὰμα | αλλά | ama/ammā | |
| άμον | σαν, όπως, καθώς | ἅμα | |
| απέσ’ | μέσα | ||
| αρτούρεψαν | περίσσεψαν, αυξήθηκαν, αποταμιεύτηκαν, εξοικονομήθηκαν | artırmak | |
| αστράφτ’ | αστράφτει | ||
| βρεχ̌ή | βροχή | ||
| γιαρτίμ | βοήθεια, υποστήριξη, συμπαράσταση | yardım | |
| ’γομώθεν | (εγομώθεν) γέμισε | ||
| εματώθεν | ματώθηκε | ||
| έν’ | είναι | ||
| έξ’ | έξω ή ο αριθμός έξι | ||
| επλέθυναν | πλήθυναν | ||
| έρ’ται | έρχεται | ||
| εσκάλωσεν | ξεκίνησε, άρχισε, εκκίνησε ένα έργο/δουλειά | ||
| ευτάει | κάνει, φτιάχνει | εὐθειάζω | |
| έχ’νε | έχουνε | ||
| θαλασσάκρι͜α | οι ακροθαλασσιές, τα ακρογιάλια | ||
| ’κ’ | δεν | οὐκί<οὐχί | |
| καρδόπο | καρδούλα | ||
| ’κι | δεν | οὐκί<οὐχί | |
| λίβι͜α | σύννεφα | λίβος<λείβω | |
| ξαν | πάλι, ξανά | ||
| ξύφαρον | κεραυνός | ||
| οξ̌ουκά | έξω | ||
| πα | πάλι, επίσης, ακόμα | ||
| ποράν’ | μπόρα, καταιγίδα | boran<βενετ. bora<λατ. Boreas <Βορέας (αντιδάνειο) | |
| σ̌κίζ’ | σκίζω/ει | ||
| ’σκοτείνεψεν | (εσκοτείνεψεν) σκοτείνιασε | ||
| τελεμονήν | τελειωμό | ||
| τρέχ’νε | τρέχουν | ||
| χαλαρδία | πλημμύρα χειμάρρου | ||
| χαραδοξία | αγαλλίαση, ευθυμία, χαρά, ευδία | ||
| ψ̌η | ψυχή |
