Η κεντή μ’

Προβολή Τραγουδιού

Καλλιτέχνες: Διογένης Αϊνατζής, Χρήστος Βαρύτιμος

Τ’ αχούλι μ’ άμον το παπόρ’,
θάλασσα τα γεράδας
Και ογρασ̌εύ’ να μη πατεύ’
απέσ’ σ’ άγρι͜α ταλγάδας

Αγνόν έν’ το ιδίωμα μ’,
ση χώραν ξάι ’κ’ ιεύω
Ήντζαν σο λόγον ατ’ ’κι στέκ’,
νέ θέλω, νέ ινανεύω

Το ταπιέτι μ’ άκακον,
καν’νάν ’κι γουζτουρεύω
Ήμποιος χρειάσ̌κεται γιαρτίμ
εκέσ’ ’α πάω κονεύω

Ατείντς π’ εξέρω να μετράς,
ημέραν ’α τελείται
Τοι φίλτς ι-μ’ για να λογαρι͜άεις,
τ’ έναν το χ̌έρ’ κανείται

Γλωσσάρι

Κείμενο	Επεξήγηση	Ετυμ. Ρίζα
’α	θα
αγνόν	αλλόκοτο/η, περίεργο/η, σπουδαίο/α, αξιοθαύμαστο/η	ἀγνώς (άγνωστος)<ἀ- + γιγνώσκω
άμον	σαν, όπως, καθώς	ἅμα
απέσ’	μέσα
ατείντς	αυτούς
αχούλι	μυαλό	akıl/ʿaḳl
γεράδας	πληγές, τραύματα	yara
γιαρτίμ	βοήθεια, υποστήριξη, συμπαράσταση	yardım
γουζτουρεύω	πειράζω, εξαγριώνω, ενοχλώ, ερεθίζω	kızdırmak
εκέσ’	εκεί
έν’	είναι
ήμποιος	όποιος
ήντζαν	οποιοσδήποτε, όποιος / οποιονδήποτε, όποιον
ιδίωμα	η συνήθεια, ο τρόπος
ιεύω	ταιριάζω	uymak
ινανεύω	πιστεύω, εμπιστεύομαι	inanmak
’κ’	δεν	οὐκί<οὐχί
κανείται	φτάνει, είναι αρκετό
καν’νάν	κανέναν
’κι	δεν	οὐκί<οὐχί
κονεύω	εγκαθίσταμαι, φωλιάζω, προσγειώνομαι (επί πτηνών)	konmak
λογαρι͜άεις	λογαριάζεις, υπολογίζεις
νέ	ούτε	ne
ξάι	καθόλου
ογρασ̌εύ’	(αμτβ) πασχίζει, παλεύει	uğraşmak
παπόρ’	βαπόρι, καράβι	vapore
πατεύ’	βυθίζεται, βουλιάζει μτφ. δύει, μτφ. καταρρέει, μτφ. χρεωκοπεί	batmak
ταλγάδας	κύματα	dalga
ταπιέτι	συνήθεια, χαρακτηριστικό, ο χαρακτήρας ενός ανθρώπου	tabiat/ṭabīʿat
τελείται	(αμτβ.) τελειώνει, εξαντλείται, μτφ. πεθαίνει
τοι	τους/τις
φίλτς	φίλους
χ̌έρ’	χέρι
χώραν	ξένους, μη οικείους, ξενιτειά