Προβολή Τραγουδιού
Η μάνα έν’ κρύον νερόν |
Τραγούδια και σκοποί του Πόντου | Ζωντανή ηχογράφηση ΘΕΑΤΡΟ ΠΑΛΛΑΣΣτιχουργοί: Γιάννης Τσανάκαλης, Νίκος Παυλίδης
Συνθέτες: Γιάννης Τσανάκαλης
Καλλιτέχνες: Μιχάλης Καλιοντζίδης, Πέτρος Γαϊτάνος, Χρήστος Τσιαμούλης
Όταν γερά η μάνα και άλλο ’κ’ επορεί Ατότε θέλ’ βοήθειαν ατότε θέλ’ ζωήν Κι όταν θα έρ’ται η ώρα και άλλο ’κι θα ζει άμα ’κ’ ευτάς το χρέος ι-σ’ ’α καίεται η ψ̌η σ’ Η μάνα έν’ κρύον νερόν και σο ποτήρ’ ’κ’ εμπαίν’ Η μάνα να μη ’ίνεται, η μάνα να μη έν’ Η μάνα έν’ βράχος, η μάνα έν’ ραχ̌ίν Σο δύσκολον την ώρα σ’ «Μανίτσα μ’, μανίτσα μ’, μανίτσα μ’!» θα τσ̌αΐ͜εις Η μάνα έν’ το στήριγμαν τη χαράς το κλαδίν Τ’ ατεινές η αγάπη ’κ’ ευρίεται ση γην Η μάνα έν’ κρύον νερόν και σο ποτήρ’ ’κ’ εμπαίν’ Η μάνα να μη ’ίνεται, η μάνα να μη έν’ Θα δα̤βαίν’νε τα χρόνι͜α, θα γ̆ερούμε κι εμείς Ατά είναι με τη σειράν ’κι θα γλυτών’ κανείς Και ούλ’ πρέπ’ να εξέρομε σ’ αούτο τη ζωήν: Χωρίς τη μάνας την ευχ̌ήν κανείς ’κ’ ελέπ’ χαΐρ’ Η μάνα έν’ κρύον νερόν και σο ποτήρ’ ’κ’ εμπαίν’ Η μάνα να μη ’ίνεται, η μάνα να μη έν’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ’α | θα | ||
| αούτο | αυτό/ή | ||
| ατά | αυτά | ||
| ατεινές | αυτηνής | ||
| ατότε | τότε | ||
| γ̆ερούμε | γερνάμε | ||
| γερά | γερνάει | ||
| δα̤βαίν’νε | (για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν | διαβαίνω | |
| ελέπ’ | βλέπει/βλέπω | ||
| εμπαίν’ | μπαίνει | ||
| έν’ | είναι | ||
| εξέρομε | ξέρουμε | ||
| επορεί | μπορεί | ||
| έρ’ται | έρχεται | ||
| ευρίεται | βρίσκεται | ||
| ευτάς | κάνεις, φτιάχνεις | εὐθειάζω | |
| ’ίνεται | γίνεται | ||
| ’κ’ | δεν | οὐκί<οὐχί | |
| καίεται | καίγεται | ||
| ’κι | δεν | οὐκί<οὐχί | |
| ούλ’ | όλοι | ||
| πρέπ’ | ταιριάζει/ω | ||
| ραχ̌ίν | βουνό, ράχη | ||
| τσ̌αΐ͜εις | φωνάζεις, επιπλήττεις | ||
| χαΐρ’ | προκοπή, καλή τύχη, ευημερία | hayır/ḫayr | |
| ψ̌η | ψυχή |
