Όραμαν

Προβολή Τραγουδιού

Καλλιτέχνες: Μπάμπης Ιωακειμίδης, Φίλιππος Κεσαπίδης

Φέγγονος τόζ’ ’καπάτεψεν
τη ψ̌ης ι-μ’ τα ομμάτι͜α
κι αροθυμία έγκε με
σταυραετί’ κανάτι͜α

Σην πατρίδα μ’ εκόνεψα,
τα ραχ̌ία τ’ς φιλντισ̌ένα̤
Ο ήλον κρούει σην θάλασσαν
και ’ίν’νταν πακιρένα̤

Τ’ ελάτι͜α τραγωδούν και λέν’
ρωμαίικα καϊτέδες
Τ’ αυγής πουλίν μοιρολογά
οξ̌ουκά σα περτέδες

Τραντάφυλλον ας σ’ όρωμα μ’
ατώρα μαραμένον
Εγνέφ’σα μετ’ έναν αχάντ’
σο ψ̌όπο μ’ καρφωμένον

Γλωσσάρι

Κείμενο	Επεξήγηση	Ετυμ. Ρίζα
αροθυμία	νοσταλγία
ας σ’	(ας σου) από του, από τότε που/αφότου, (ας σο) από το/τα
ατώρα	τώρα
αχάντ’	αγκάθι	ἀκάνθιον, υποκορ. του ἄκανθα
έγκε	έφερε
εγνέφ’σα	ξύπνησα
εκόνεψα	εγκαταστάθηκα, φώλιασα, προσγειώθηκα	konmak
ελάτι͜α	έλατα
’ίν’νταν	γίνονται
καϊτέδες	μελωδίες, μουσικές συνθέσεις, μουσικοί σκοποί	kayde
κανάτι͜α	φτερά	kanat
’καπάτεψεν	(εκαπάτεψε) σκέπασε, κάλυψε, έκλεισε κπ/κτ σε κτ	kapatmak
κρούει	χτυπάει	κρούω
μετ’	μαζί με (με αιτιατική), με (τρόπος)
ομμάτι͜α	μάτια
οξ̌ουκά	έξω
όρωμα	όνειρο
πακιρένα̤	χάλκινα, μπρούτζινα	bakır
περτέδες	παραπετάσματα παραθύρων, κουρτίνες	perde
ραχ̌ία	ράχες, βουνά
ρωμαίικα	(τουρκ. Rumca) η γλώσσα των Ρωμιών, η ποντιακή γλώσσα, αυτά που είναι των Ρωμιών γενικά
σταυραετί’	σταυραετού
τόζ’	σκόνη	toz
τραγωδούν	τραγουδάνε
τραντάφυλλον	τριαντάφυλλο
φέγγονος	φεγγαριού
φιλντισ̌ένα̤	φιλντισένια, από φίλντισι (ελεφαντόδοντο)	fildişi<fil (ελέφαντας) + diş (δόντι)
ψ̌ης	ψυχής
ψ̌όπο	ψυχούλα