Μικρόν αρνόπο μ’, τράνυνον

Μικρόν αρνόπο μ’, τράνυνον
[ν’ αϊλί εμέν!]
κι εγώ ας μεγαλύνω
[ντό θα ’ίνουμαι;]
Σην Παναΐαν όμνυσα
[ν’ αϊλί εμέν!]
το σπαλέρι σ’ θα λύνω
[ντό θα ’ίνουμαι;]

Μικρόν είσαι και ’κ’ εγροικάς,
[ν’ αϊλί εμέν!]
ας λέγω σε και ποίσον
[ντό θα ’ίνουμαι;]
Τη νύχταν όντες κείσαι κα’
[ν’ αϊλί εμέν!]
το σπαλερόπο σ’ λύσον
[ντό θα ’ίνουμαι;]

Δα̤ρμένεψον το κορτσόπο σ’,
[ν’ αϊλί εμέν!]
θεία μ’, μη τυραννί͜εις με
[ντό θα ’ίνουμαι;]
Εγέντον δύο χρόνια κιάν’
[ν’ αϊλί εμέν!]
ορθόν λόγον ’κι δί’ με
[ντό θα ’ίνουμαι;]