Λελεύω το χαΐρι σ’

Εγώ, κορτσόπο μ’ έμορφον,
τον κύρη σ’ θα κομπώνω
Και ας σ’ οσπίτ’ θα ’βγάλω σε,
εσύ να θέλτς με μόνον

Λελεύω το χαΐρι σ’,
σκοτούμαι σο χατίρι σ’
Ας σην σεβτά μ’ ’δέν ’κ’ εγροικά
ο παλαλόν ο κύρη σ’

Τ’ οσπίτ’ εποίκεν μαναστήρ’,
καλόγραια θα ’φτάει σε
Τη μάνα σ’ στείλ’ σο χαμαλίκ’
κι άμον ζαντός ωρι͜άει σε

Λελεύω το χαΐρι σ’,
σκοτούμαι σο χατίρι σ’
Ας σην σεβτά μ’ ’δέν ’κ’ εγροικά
ο παλαλόν ο κύρη σ’

Γουρπάν’ να ’ίνεσαι, γιαβρί μ’!
η μάνα σ’ είπεν θέλ’ με
Απόψ’ ’ά ’ρχουμαι κλέφτω σε,
την ώραν μόνον πέει με

Λελεύω το χαΐρι σ’,
σκοτούμαι σο χατίρι σ’
Ας σην σεβτά μ’ ’δέν ’κ’ εγροικά
ο παλαλόν ο κύρη σ’