Τραντάφυλλον ’κατόφυλλον

Προβολή Τραγουδιού

Συνθέτες: Ανδρέας Μαυρόπουλος, Μάντης Σαββίδης

Καλλιτέχνες: Ανδρέας Μαυρόπουλος, Σταύρος Σαββίδης

Τραντάφυλλον ’κατόφυλλον
με χ̌ίλι͜α ευωδίας
το νυσταγμένον κοίμ’σον με
απάν’ και σην καρδία σ’

Μελεσσίδ’, μελεσσιδόπον
και τα χ̌είλι͜α σ’ τσ̌ιτσ̌εκόπον
Με του έρχομαι γονεύω,
την εγάπη μ’ αραεύω

Τραντάφυλλον ντο ένοιξες,
εγώ μελεσσιδόπον
απέσ’ σα ροδοπέταλα σ’
ας είχα κι εγώ τόπον

Μελεσσίδ’, μελεσσιδόπον
και τα χ̌είλι͜α σ’ τσ̌ιτσ̌εκόπον
Με του έρχομαι γονεύω,
την εγάπη μ’ αραεύω

Τραντάφυλλον ’κατόφυλλον
κόκκινον άμον αίμαν
Όλ’ αγαπούν εφτά κι οχτώ,
(κι) εγώ μανάχον έναν

Μελεσσίδ’, μελεσσιδόπον
και τα χ̌είλι͜α σ’ τσ̌ιτσ̌ακόπον
Με του έρχομαι γονεύω,
την εγάπη μ’ αραεύω

Μελεσσίδ’, μελεσσιδόπον
και τα χ̌είλι͜α σ’ τσ̌ιτσ̌ακόπον
Με του έρχομαι γονεύω,
την εγάπη μ’ αραεύω

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
απέσ’	μέσα
αραεύω	ψάχνω, αναζητώ, γυρεύω	aramak
γονεύω	εγκαθίσταμαι, φωλιάζω, προσγειώνομαι (επί πτηνών)	konmak
εγάπη	αγάπη
ένοιξες	άνοιξες
ευωδίας	ευωδίες
μανάχον	(έναρθρο) μοναχός, μοναχό, (επίρρ) μόνο/μοναχά
μελεσσίδ’	μέλισσα
μελεσσιδόπον	μελισσούλα
όλ’	όλοι/α
τραντάφυλλον	τριαντάφυλλο
τσ̌ιτσ̌ακόπον	λουλουδάκι	çiçek
τσ̌ιτσ̌εκόπον	λουλουδάκι	çiçek