Προβολή Τραγουδιού
Ντ’ έμορφον τραγωδίαν έν’ |
Ντ’ έμορφον τραγωδίαν έν’Στιχουργοί: Ελευθέριος Τακματζίδης
Συνθέτες: Νίκος Σαββίδης
Καλλιτέχνες: Γιάννης Χριστοδουλίδης, Δημήτρης Ξενιτόπουλος
Κόνεψον, πουλί μ’, σο κιντίν και γρίβωσον απάν’ ι-μ’ Και ους ο ήλεν να εβγαίν’ να έχω σε σο γιάνι μ’ Ντ’ έμορφον τραγωδίαν έν’ τη καρδι͜άς ι-σ’ ο χτύπον! Όντες είμαι σ’ εγκαλιόπο σ’ και κείμαι απέσ’, μικρίκο μ’ Εσέν να φέρω σο πιτσ̌ίμ’, άλλο τιδέν ’κι θέλω Μόνον τα χ̌έρι͜α σ’ να κρατώ και την καρδι͜ά σ’ να παίρω Ντ’ έμορφον τραγωδίαν έν’ τη καρδι͜άς ι-σ’ ο χτύπον! Όντες είμαι σ’ εγκαλιόπο σ’ και κείμαι απέσ’, μικρίκο μ’ Να παίρω σε σην εγκαλι͜ά μ’, νέβ’σον, αρνί μ’, τη λάμπαν Τα πετεινολαλέματα¹ να ’βρήκ’νε μας εντάμαν Ντ’ έμορφον τραγωδίαν έν’ τη καρδι͜άς ι-σ’ ο χτύπον! Όντες είμαι σ’ εγκαλιόπο σ’ και κείμαι απέσ’, μικρίκο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απάν’ | πάνω | ||
| απέσ’ | μέσα | ||
| ’βρήκ’νε | (ευρήκ’νε) βρίσκουν | ||
| γιάνι | πλάι, πλευρό | yan | |
| γρίβωσον | (προστ.) προσκολλήσου, γαντζώσου | αγριφώνω<agrafer<grappa | |
| εβγαίν’ | βγαίνει | ||
| εγκαλιόπο | αγκαλίτσα | ||
| έμορφον | όμορφο | ||
| έν’ | είναι | ||
| εντάμαν | μαζί | ||
| ήλεν | ήλιος/ήλιο | ||
| κείμαι | κείτομαι, ξαπλώνω | ||
| ’κι | δεν | οὐκί<οὐχί | |
| κιντίν | απόγευμα, δείλι | ikindi | |
| κόνεψον | (προστ.) εγκαταστήσου, φώλιασε, προσγειώσου | konmak | |
| νέβ’σον | (προστ.) σβήσε | ||
| όντες | όταν | ||
| ους | ως, μέχρι | ||
| παίρω | παίρνω | ||
| πιτσ̌ίμ’ | μορφή, όψη/πρόσωπο, σχέδιο, στυλ/τρόπος, κομψότητα | biçim | |
| τιδέν | τίποτα | ||
| τραγωδίαν | τραγούδι |
¹ πετεινολάλ’, πληθ. τα πετεινολάλι͜α
