Προβολή Τραγουδιού
Εσέγκες σον παράδεισον |
Ας σ’ άνασμα σ’, πουλί μ’, μεθώΣτιχουργοί: Ιωάννης Καρασαββίδης
Συνθέτες: Νίκος Σαββίδης
Καλλιτέχνες: Παύλος Ουργαντζίδης, Φίλιππος Ανανικίδης
Είχα καρδόπον γεραλίν σα τέρτα̤ φορτωμένον Ας ση σκοτίαν κι άλλο χ̌ούρ’, μαύρος ηλοκαμένον Εσέγκες σον παράδεισον, πουλόπο μ’, το καρδόπο μ’ κι ατώρα άμον άγγελος επέρες και το ψ̌όπο μ’ Όλια ας σο νου μ’ εχάθανε, τα άσ̌κεμα επήαν Ας ση σεβντά σ’ τα έμορφα τα έμψυχα μ’ ενοίαν Εσέγκες σον παράδεισον, πουλόπο μ’, το καρδόπο μ’ κι ατώρα άμον άγγελος επέρες και το ψ̌όπο μ’ Θα γελούμε, θα χ̌αίρουμες ντο έρ’τανε τα χρόνι͜α Μίαν αδά, μίαν ακεί άμον τα χ̌ελιδόνι͜α Εσέγκες σον Παράδεισον, πουλόπο μ’, το καρδόπο μ’ κι ατώρα άμον άγγελος επέρες και το ψ̌όπο μ’ Εσέγκες σον Παράδεισον, πουλόπο μ’, το καρδόπο μ’ κι ατώρα άμον άγγελος επέρες και το ψ̌όπο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| ακεί | εκεί | ||
| άμον | σαν, όπως, καθώς | ἅμα | |
| ας σο | απ’ το | ασό σο (από το) | |
| άσ̌κεμα | άσχημα | ||
| ατώρα | τώρα | ||
| γεραλίν | πληγωμένο, τραυματισμένο | yaralı | |
| έμορφα | όμορφα | ||
| έμψυχα | σπλάχνα | ||
| ενοίαν | (αμετάβ.) άνοιξαν | ||
| επέρες | πήρες | ||
| επήαν | πήγαν | ||
| έρ’τανε | έρχονται | ||
| εσέγκες | έβαλες, εισήγαγες | ||
| εχάθανε | χάθηκαν | ||
| καρδόπο | καρδούλα | ||
| καρδόπον | καρδούλα | ||
| μίαν | μια φορά | ||
| όλια | όλα | ||
| πουλόπο | πουλάκι | ||
| σεβντά | αγάπη, έρωτας | sevda/sevdā | |
| σκοτίαν | σκοτάδι | ||
| τέρτα̤ | καημοί, βάσανα, στενοχώριες | dert | |
| χ̌αίρουμες | χαιρόμαστε | ||
| χ̌ούρ’ | χειρότερα | ||
| ψ̌όπο | ψυχούλα |
