Τερώ, πουλόπο μ’, τ’ ομμάτια σ’

Προβολή Τραγουδιού

Καλλιτέχνες: Νίκος Κουρουκλίδης, Παύλος Ουργαντζίδης, Φίλιππος Ανανικίδης

Όντες ’τραγώδ’να κι έπινα,
είδα σε σο χορόν -ι
Και το τσ̌αλίμι σ’ τ’ έμορφον,
εμέν θα παλαλώνει

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Μάνα εσέν ’κ’ εποίκε σε,
Θεού είσαι δουλεία
Αγγελικόν ο πρόσωπο σ’,
ομοι͜άζ’ με ζωγραφίαν

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Ισ̌μάρ’ θέλω να στείλω σε
να έρθεσαι σο γιάνι μ’
Τ’ εμόν θέλω να ’ίνεσαι
ση γερὰ μ’ το βοτάνι μ’

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Τερώ, πουλόπο μ’, τ’ ομμάτι͜α σ’,
τερώ, πουλί μ’, τα κάλλια σ’
Φοβούμαι θα ομματι͜άζω σε
και χάντς την εμορφάδα σ’

Τερώ, πουλόπο μ’, τ’ ομμάτι͜α σ’!

Γλωσσάρι

Κείμενο	Επεξήγηση	Ετυμ. Ρίζα
γερὰ	πληγή, τραύμα	yara
γιάνι	πλάι, πλευρό	yan
δουλεία	δουλειά, εργασία
εμόν	δικός/ή/ό μου	ἐμοῦ
εμορφάδα	ομορφιά
έμορφον	όμορφο
εποίκε	έκανε, έφτιαξε	ποιέω-ῶ
έρθεσαι	έρχεσαι
’ίνεσαι	γίνεσαι
ισ̌μάρ’	νεύμα, νόημα	işmar/նշմար
’κ’	δεν	οὐκί<οὐχί
κάλλια	κάλλη
ομμάτι͜α	μάτια
ομοι͜άζ’	ομοιάζει, μοιάζει
όντες	όταν
παλαλώνει	τρελαίνει κπ
πουλόπο	πουλάκι
τερώ	κοιτώ
τσ̌αλίμι	επιδέξια κίνηση (σε χορό κ.ά.), σκέρτσο, κάμωμα	çalım
φοβούμαι	φοβάμαι
χάντς	χάνεις, παύεις να έχεις, διώχνεις