Ποντιακός Στίχος

Προβολή Τραγουδιού

Εμέν, αρνί μ’

Ας σ’ άνασμα σ’, πουλί μ’, μεθώΑς σ’ άνασμα σ’, πουλί μ’, μεθώ

Στιχουργοί: Βασίλης Μωυσιάδης

Συνθέτες: Νίκος Σαββίδης

Καλλιτέχνες: Παύλος Ουργαντζίδης, Φίλιππος Ανανικίδης


Εσύ, πουλί μ’, γιατί εβγαίντς
τα νύχτας σο λασίον;
Ντό πόνον κρύφτς σο καρδόπο σ’
και ξενυχτάς σον κρύον;

Εμέν, αρνί μ’, γιατί ’κι παίρτς
έναν νύχταν με τ’ άστρα;
Λαρώνω όλια τα τερτόπα σ’
ντο κρύφτς σα ψ̌ήα σ’ τ’ άσπρα

Όλια τα άστρα τ’ ουρανού
εσέναν συντροφεύ’νε
Φώταγμαν δίγ’νε σε -ν-, αρνί μ’,
κι από εγάπ’ ’κι ’ξέρ’νε

Εμέν, αρνί μ’, γιατί ’κι παίρτς
έναν νύχταν με τ’ άστρα;
Λαρώνω όλια τα τερτόπα σ’
ντο κρύφτς σα ψ̌ήα σ’ τ’ άσπρα

Και τα πουλόπα μετ’ εσέν
σα δέντρα ξημερών’νε
Πονούνε άμα ’κ’ επορούν
καρδίας να λαρών’νε

Εμέν, αρνί μ’, γιατί ’κι παίρτς
έναν νύχταν με τ’ άστρα;
Λαρώνω όλια τα τερτόπα σ’
ντο κρύφτς σα ψ̌ήα σ’ τ’ άσπρα
Γλωσσάρι
ΚείμενοΕπεξήγησηΕτυμ. ΡίζαΠροέλευση
δίγ’νεδίνουν
εβγαίντςβγαίνεις
εγάπ’αγάπη
επορούνμπορούν
’κ’δεν οὐκί<οὐχί
καρδίας(τη, γεν.) καρδιάς, (τα, ονομ. πληθ.) καρδιές
καρδόποκαρδούλα
’κιδεν οὐκί<οὐχί
κρύφτςκρύβεις
λαρών’νεγιατρεύουν, θεραπεύουν
λαρώνωγιατρεύω, θεραπεύω
λασίονγύρα, βόλτα, περιπλάνηση ἀλάομαι/ηλάσκω
μετ’μαζί με (με αιτιατική), με (τρόπος)
’ξέρ’νε(εξέρ’νε) ξέρουν, γνωρίζουν
όλιαόλα
παίρτςπαίρνεις
πουλόπαπουλάκια
συντροφεύ’νεσυντροφεύουν
τερτόπα(υποκορ.) καημοί, βάσανα, στενοχώριες dert
φώταγμανφωτισμός, λαμποκόπημα
ψ̌ήαψυχές, η περιοχή του στέρνου, τα εσώψυχα

Ποντιακός Στίχος - Pontian Lyrics 2024

Τραγούδια: 8001 | Albums/Singles: 1225 | Συντελεστές: 1599 | Λήμματα: 13743
Επικοινωνία: infoDUMMY@pontianlyrics.gr