Αραεύω σε, πουλόπο μ’

Αραεύω σε, πουλόπο μ’,
αραεύω σε
Πόρταν σην πόρταν γυρίζω
Πού ευρίεσαι;

Ση κοσμί’ την άκραν, γιάβρι μ’,
αραεύω σε, πουλί μ’
Πόρταν σην πόρταν γυρίζω,
πώς πονεί η ψ̌η μ’!

Αραεύω σε, πουλόπο μ’,
αραεύω σε
Πόρταν σην πόρταν γυρίζω
Πού ευρίεσαι;

Αραεύ’ σε -ν- η καρδία μ’,
έλα, πουλόπο μ’, σουμά μ’
Ας ανθίζ’νε τα λουλούδα̤,
τη ψ̌ης ι-μ’ χαρά

Αραεύω σε, πουλόπο μ’,
αραεύω σε
Πόρταν σην πόρταν γυρίζω
Πού ευρίεσαι;

Ατσ̌ά ευρήκω σε σα δρόμα̤;
πουλόπο μ’, θ’ εβγών’ η ψ̌η μ’
Τα δά̤κρα̤ μ’ δείκ’νε τη στράταν,
έλα σο ταφί μ’

Η καρδία μ’ συχωρά σε,
αναμένω σε
Και σον άλλ’ τον κόσμον, πουλί μ’,
ανταμώνω σε