Μ’ άλλον χτίσον τη φωλέα σ’

Προβολή Τραγουδιού

Καλλιτέχνες: Ανέστης Μωυσής, Κώστας Σιώπης, Μάρθα Τσιπουλίδου, Τάκης Παπαδόπουλος

Όσον ντ’ επορείς οφύγον,
σημάδα̤ ποτέ μ’ αφήντς
Να μη επορείς, πουλόπο μ’,
και ξαν έρχεσαι -ν- οπίσ’

Ποίσον, πουλί μ’, ποίσον, πουλί μ’,
ποίσον, πουλί μ’, τη χαρά σ’
Πουλί μ’, ας σο στεφανούσαι
για τ’ εμέν ξάι μ’ ερωτάς

Μ’ άλλον χτίσον τη φωλέα σ’,
απ’ εμέν μη περιμέντς
Βγάλο με -ν- ας σην καρδία σ’,
τέρεν, πουλί μ’, να παντρεύ’ς

Ποίσον, πουλί μ’, ποίσον, πουλί μ’,
ποίσον, πουλί μ’, τη χαρά σ’
Πουλί μ’, ας σο στεφανούσαι
για τ’ εμέν ξάι μ’ ερωτάς

Στεφανού και ζήσον, πουλί μ’,
κι εγώ, γιαβρί μ’, ας πονώ/
γιαβρί μ’ κι εγώ ας πονώ
Για την ευτυχία σ’ πάντα
τοι γνωστούς ι-σ’ θα ρωτώ

Ποίσον, πουλί μ’, ποίσον, πουλί μ’,
ποίσον, πουλί μ’, τη χαρά σ’
Πουλί μ’, ας σο στεφανούσαι
για τ’ εμέν ξάι μ’ ερωτάς

Πάντρεψον, ποίσον παιδία,
χτίσον, πουλί μ’, τη ζωή σ’
Βγάλο με -ν- ας σην καρδία σ’,
για τ’ εμέν ξάι μη νουνί͜εις

Ποίσον, πουλί μ’, ποίσον, πουλί μ’,
ποίσον, πουλί μ’, τη χαρά σ’
Πουλί μ’, ας σο στεφανούσαι
για τ’ εμέν ξάι μ’ ερωτάς

Γλωσσάρι

Κείμενο	Επεξήγηση	Ετυμ. Ρίζα
αφήντς	αφήνεις
βγάλο	(προστ.) βγάλε
γιαβρί	μωρό, μικρό, παιδί	yavru
επορείς	μπορείς
ερωτάς	ρωτάς
ζήσον	(προστ.) ζήσε
νουνί͜εις	σκέφτεσαι
ξάι	καθόλου
ξαν	πάλι, ξανά
οπίσ’	πίσω
οφύγον	(προστ.) φύγε
παιδία	παιδιά
πάντρεψον	(προστ.) παντρέψου, πάντρεψε κπ
περιμέντς	περιμένεις
ποίσον	(προστ.) κάνε, φτιάξε	ποιέω, ποιῶ
πουλόπο	πουλάκι
στεφανού	(προστ.) στεφανώσου
στεφανούσαι	στεφανώνεσαι
τέρεν	(προστ.) κοίταξε
τοι	τους/τις
φωλέα	φωλιά
χτίσον	(προστ.) χτίσε, φτιάξε