Βάλε ας πίνουμε μαζί

Προβολή Τραγουδιού

Καλλιτέχνες: Ανέστης Μωυσής, Κώστας Σιώπης, Μάρθα Τσιπουλίδου, Τάκης Παπαδόπουλος

Βάλε σα ποτήρα̤ κρασίν
ας πίνουμε μαζί
και έλα ας φιλίουμες
εμείς ους το πρωί

Εκείνε εράευεν χαράν,
εγώ παρηγορίαν
Τρανόν άψιμον σα χ̌είλι͜α,
φωτία σην καρδίαν

Ση φεγγαρί’ το φώταγμαν
εκεί -ν- ους να μερών’
Σο γλυκύν τ’ εγκαλόπον ατ’ς
η νύχτα έτον μικρόν

Ους το πρωί εφίλ’νε με,
εφίλ’να τεν κι εγώ
Ντ’ εσάρευε μας τ’ άψιμον
’κ’ ενεβζήν’νεν νερόν

Ση γούλα μ’ εκρεμάουτουν,
εκωνωπίουμ’νες
Εσφιχταεγκαλά̤σκουμ’νες¹
και έναν ’ίνουμ’νες

Ψιθυριστά σ’ ωτίν καικά
έλεεν «αγαπώ σε»
Ερώτανεν να λέγ’ ατεν
«εγώ πα αγαπώ σε»
Ερώτανεν να λέγ’ ατεν
«αρ’ έλα ας φιλώ σε»

Γλωσσάρι

Κείμενο	Επεξήγηση	Ετυμ. Ρίζα
ατεν	αυτήν
ατ’ς	αυτής, της
άψιμον	φωτιά
γλυκύν	γλυκιά/ό
γούλα	λαιμός	gula
εγκαλόπον	αγκαλιά, αγκαλίτσα
εκείνε	εκείνη
εκρεμάουτουν	κρεμόταν
εκωνωπίουμ’νες	κυλιόμασταν κατά γης
έλεεν	έλεγε
ενεβζήν’νεν	έσβηνε
εράευεν	έψαχνε, αναζητούσε	aramak
ερώτανεν	ρωτούσε
εσάρευε	τύλιγε, περικύκλωνε, αγκάλιαζε, μτφ. άρεζε σε	sarmak
έτον	ήταν
εφίλ’να	φιλούσα
εφίλ’νε	φιλούσε
’ίνουμ’νες	γινόμασταν
’κ’	δεν	οὐκί<οὐχί
καικά	προς τα κάτω, εκεί ακριβώς, κοντά
μερών’	μερώνει, ξημερώνει
ους	ως, μέχρι
πα	πάλι, επίσης, ακόμα
παρηγορίαν	παρηγοριά
φιλίουμες	φιλιόμαστε
φώταγμαν	φωτισμός, λαμποκόπημα
ωτίν	αυτί

Σημειώσεις

¹ Αδόκιμος τύπος αντί του ορθότερου «εσπιχταγκαλά̤σκουμ’νες»=αγκαλιαζόμασταν σφιχτά