Ομμάτια δακρωμένα

Προβολή Τραγουδιού

Καλλιτέχνες: Δέσποινα Φιλίππου, Θεόφιλος Πουταχίδης

expand_content

Ομμάτι͜α δα̤κρωμένα
και παραπονεμένα
Γιάμ’ ποτάμι͜α θα ’ίν’ντανε;
Γιάμ’ θα στεγνούνταν;
Κι αν στεγνούνταν τα δα̤κρόπα
τελείται η εγάπ’

Ξαν, ομμάτι͜α δα̤κρωμένα,
πάντα παραπονεμένα
Ντό να ευτάγω, μικρόν αρνί μ’;
’κι στεγνούντανε!
Τα ποτάμι͜α ντ’ έτρεχαν
θάλασσας έντανε

Έναν βούραν δα̤κρόπα
ποτάμι͜α έντανε
Τα ποτάμι͜α ντ’ έτρεχαν
θάλασσας έντανε

Γλωσσάρι

Κείμενο	Επεξήγηση	Ετυμ. Ρίζα
βούραν	χούφτα	vola=η παλάμη του χεριού ή το πέλμα του ποδιού
γιάμ’	μήπως, ή μη	ya/yā + μη
δα̤κρόπα	(υποκορ.) δάκρυα
δα̤κρωμένα	δακρυσμένα
εγάπ’	αγάπη
έντανε	έγιναν
ευτάγω	κάνω, φτιάχνω	εὐθειάζω
’ίν’ντανε	γίνονται
’κι	δεν	οὐκί<οὐχί
ξαν	πάλι, ξανά
ομμάτι͜α	μάτια
στεγνούνταν	στεγνώνουν
στεγνούντανε	στεγνώνουν
τελείται	(αμτβ.) τελειώνει, εξαντλείται, μτφ. πεθαίνει