Αροθυμώ σε και κλαίω

Προβολή Τραγουδιού

Καλλιτέχνες: Γιώτα Παπαδοπούλου, Τάκης Ιωαννίδης

Αροθυμώ σε και κλαίω,
πουλί μ’, για τ’ εσέν εγώ
Πάντα νουνίζω εκείνον,
να κοιμούμαι ’κ’ επορώ

Όλια τα καρδι͜άς εθάρρ’να
έσανε άμον τ’ εμόν
Ένα σχέδιον καρδίας
εδέκεν μας ο Θεόν

Γιατί εσύ, Θεέ μ’, ’κ’ εποίκες
η καρδι͜άν όσον χτυπά
βάσανα πολλά να μη έχ̌’,
να ξέρ’ μόνον ν’ αγαπά;

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αροθυμώ	νοσταλγώ
εδέκεν	έδωσε
εθάρρ’να	θαρρούσα, πίστευα, νόμιζα
εμόν	δικός/ή/ό μου	ἐμοῦ
εποίκες	έκανες, έφτιαξες	ποιέω-ῶ
επορώ	μπορώ
έσανε	ήταν
έχ̌’	έχει
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
κοιμούμαι	κοιμάμαι
νουνίζω	σκέφτομαι
όλια	όλα
πολλά	(επίθ.) πολλά, (επίρρ.) πολύ