Ο ουρανόν ελίβωσεν

Προβολή Τραγουδιού

Η τύχη μ’ ντό στραβόν έτον
σ’ εσέναν να κομπούμαι;
Το τουλωτόν και το ποτάμ’
έπρεπε να φοούμαι

Αφού θέλτς να χωρίουμες,
έπαρ’ τ’ ημ’σά τα πόνια μ’
Μ’ αφήντς ατα όλια σ’ εμέν
και λιγοστεύ’ς τα χρόνια μ’

Ο ουρανόν ελίβωσεν
και φαρμακών’ το ψ̌όπο μ’
Ντ’ εποίκα σε, νε σ̌κύλ’ κουτάβ’,
κι έκαψες το καρδόπο μ’;

Ση σεβντάν μη ταράεσαι,
θ’ ευρήκ’ς και την πελιά σ’ -ι
Απέσ’ να ρού͜εις θα καίγ̆εσαι,
μακρά να στέκ’ς ριγάς -ι

Μη κλαις, κιφάλ’, ντο έπαθες,
κλάψον ντο θα παθάνεις
αν ’κι γλυτώντς ας σην πελιάν
ντ’ εγρίβωσεν απάν’ ι-σ’

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
ατα	αυτά
αφήντς	αφήνεις
εγρίβωσεν	προσκολλήθηκε, γαντζώθηκε	αγριφώνω<agrafer<grappa
ελίβωσεν	συννέφιασε
έπαρ’	(προστ.) πάρε
εποίκα	έκανα, έφτιαξα	ποιέω-ῶ
έτον	ήταν
ευρήκ’ς	βρίσκεις
ημ’σά	μισά
θέλτς	θέλεις
καρδόπο	καρδούλα
’κι	δεν	οὐκί<οὐχί
κιφάλ’	κεφάλι
κλάψον	(προστ.) κλάψε
κομπούμαι	ξεγελιέμαι, εξαταπώμαι, μτφ. σαγηνεύομαι	κομβόω
μακρά	(επιρρ.) μακριά, (επιθ.) μακρινά, απομακρυσμένα
όλια	όλα
πελιά	βάσανο, σκοτούρα	bela
πελιάν	βάσανο, σκοτούρα	bela
πόνια	(ονομ.) πόνοι, (αιτ.) πόνους
ποτάμ’	ποτάμι
ριγάς	κρυώνεις
ρού͜εις	πέφτεις, ρίχνεις κτ κάτω
σεβντάν	αγάπη, έρωτα	sevda/sevdā
σ̌κύλ’	(γεν.) σκύλου
στέκ’ς	στέκεσαι
ταράεσαι	αναμιγνύεσαι, ανακατεύεσαι, μπλέκεσαι
τουλωτόν	ήσυχο
φοούμαι	φοβάμαι
χωρίουμες	χωριζόμαστε, χωρίζουμε
ψ̌όπο	ψυχούλα