Τ’ εμόν είσαι, πουλόπο μ’

Προβολή Τραγουδιού

Σαρία είν’ τα μαλλόπα σ’,
σαρία κι ολιγόπα
Τη ματί’ σ’ το τέρεμαν
αξίζ’ πέντε λιρόπα

Έτα, έτα, Παναέτα,
φέρον, κόρ’, φτερά και πέτα
Όντες λύουνταν τα χ̌ι͜όνι͜α
έρχουνταν τα χ̌ελιδόνι͜α

Έλα, πουλί μ’, μετ’ εμέν
πάμε σα λιβαδία
Ντό πολλά αγαπώ ατεν
τη θαγατέρα σ’, θεία!

Έτα, έτα, Παναέτα,
φέρον, κόρ’, φτερά και πέτα
Όντες λύουνταν τα χ̌ι͜όνι͜α
έρχουνταν τα χ̌ελιδόνι͜α

Σαρίσσα είσαι, νε κουτσ̌ή,
σαρία τα μαλλόπα σ’
Τ’ ομματόπα σ’ έμορφα,
έκαψαν την καρδία μ’

Έτα, έτα, Παναέτα,
φέρον, κόρ’, φτερά και πέτα
Όντες λύουνταν τα χ̌ι͜όνι͜α
έρχουνταν τα χ̌ελιδόνι͜α

Τ’ εμόν είσαι, τ’ εμόν είσαι,
τ’ εμόν είσαι, πουλόπο μ’
Απάν’ σ’ ωμία μ’ κόνεψον
άμον περιστερόπον

Έτα, έτα, Παναέτα,
φέρον, κόρ’, φτερά και πέτα
Όντες λύουνταν τα χ̌ι͜όνι͜α
έρχουνταν τα χ̌ελιδόνι͜α

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
ατεν	αυτήν
είν’	(για πληθ.) είναι
εμόν	δικός/ή/ό μου	ἐμοῦ
έμορφα	όμορφα
έρχουνταν	έρχονται
θαγατέρα	κόρη, θυγατέρα
κόνεψον	(προστ.) εγκαταστήσου, φώλιασε, προσγειώσου	konmak
κουτσ̌ή	κόρη
λύουνταν	λιώνουν
μαλλόπα	μαλλάκια
ματί’	ματιού
μετ’	μαζί με (με αιτιατική), με (τρόπος)
ολιγόπα	λίγα, λιγοστά
ομματόπα	ματάκια
όντες	όταν
περιστερόπον	περιστεράκι
πολλά	(επίθ.) πολλά, (επίρρ.) πολύ
πουλόπο	πουλάκι
σαρία	ξανθά, κίτρινα	sarı
σαρίσσα	ξανθιά
τέρεμαν	βλέμμα, κοίταγμα, μτφ. φροντίδα
φέρον	(προστ.) φέρε
ωμία	ώμοι