Τα πόνια μ’ ’κ’ υποφέρκουνταν

Προβολή Τραγουδιού

Συνθέτες: Γιώργος Παπαγιαννίδης, Παναγιώτης Κοργιανίδης

Καλλιτέχνες: Γιώργος Παπαγιαννίδης, Παναγιώτης Κοργιανίδης

Τα πόνια μ’ ’κι υποφέρκουνταν,
τα πόνια μ’ ’κι λαρούνταν
[γιαρ, γιαρ / βάι εμέν!]
Ντο έπαθαν άμον εμέν,
τα νύχτας ’κι κοιμούνταν
[γιαρ, γιαρ / βάι εμέν!]

Τα στράτας ι-μ’ ση χαμονήν
πάνε κι άλλο ’κι κλώσκουν
[γιαρ, γιαρ / βάι εμέν!]
Κι αούτα τα νεότητα μ’
άγγελοι γυροκλώσκουν
[γιαρ, γιαρ / βάι εμέν!]

Τα ευχ̌ίας ’κ’ επίασαν,
τα θάματα ’κ’ εγένταν
[γιαρ, γιαρ / βάι εμέν!]
Τα βρούλας ας σο καρδόπο μ’
μόνον σαχτάρ’ εφέκαν
[γιαρ, γιαρ / βάι εμέν!]

Θαρρώ εχάσα τ’ ομμάτι͜α μ’
κι ατό ντο λένε φως -ι
[γιαρ, γιαρ / βάι εμέν!]
Αέτσ’ παθάν’ ο άνθρωπον
π’ απομέν’ μαναχός -ι
[γιαρ, γιαρ / βάι εμέν!]

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
άμον	σαν, όπως, καθώς	ἅμα
αούτα	αυτά
απομέν’	απομένει
ας σο	απ’ το	ασό σο (από το)
βρούλας	(τη) φλόγας, (τα) φλόγες	brûler
γιαρ	αγαπητός/ή/ό, αγάπη	yâr
γυροκλώσκουν	κλωθογυρίζουν
εγένταν	έγιναν
ευχ̌ίας	ευχές
εφέκαν	αφήσαν
εχάσα	έχασα
θάματα	θαύματα
’κ’	δεν	οὐκί<οὐχί
καρδόπο	καρδούλα
’κι	δεν	οὐκί<οὐχί
κλώσκουν	γυρίζουν, επιστρέφουν
κοιμούνταν	κοιμούνται
λαρούνταν	γιατρεύονται, θεραπεύονται
μαναχός	μοναχός, μόνος
νεότητα	νιότη, νιάτα
νύχτας	(ον.πληθ.,τα) νύχτες
ομμάτι͜α	μάτια
παθάν’	παθαίνει
πόνια	(ονομ.) πόνοι, (αιτ.) πόνους
σαχτάρ’	στάχτη	στάχτη<στάζω
στράτας	(ονομ.) δρόμοι, (αιτ.) δρόμους
υποφέρκουνταν	υποφέρονται
χαμονήν	χαμό, όλεθρο