Προβολή Τραγουδιού
Του ήλ’ το φως |
Του ήλ’ το φωςΣτιχουργοί: Ιωάννης Μάγγος
Συνθέτες: Γιώργος Ατματσίδης
Καλλιτέχνες: Γιώργος Ατματσίδης
Ας σο λαή μ’ ν’ αποδιψάς μικρόν χελιδονόπον Αν φεύ’ς και ραχ̌οπιδι͜αβαίντς θα ξενιτεύ’ς το ψ̌όπο μ’ Έλα κι άμον το χ̌ι͜όνι, άσπρον πολλά μικρόν Εσύ είσαι του ήλ’ το φως απέσ’ σο χ̌ειμωγκόν Αν πας σα ανεγνώριμα, εκεί σα ξένα μέρι͜α Ο νους ι-μ’ θ’ απομέν’ και στέκ’ σ’ εσά τα καλοκαίρι͜α Έλα κι άμον το χ̌ι͜όνι, άσπρον πολλά μικρόν Εσύ είσαι του ήλ’ το φως απέσ’ σο χ̌ειμωγκόν Κι αν έρχεσαι την άνοιξην, όντες ανθίζ’ ο τόπον, έπαρ’ τη στράταν ντο δι͜αβαίν’ και κονεύ’ς σο καρδόπο μ’ Έλα κι άμον το χ̌ι͜όνι, άσπρον πολλά μικρόν Εσύ είσαι του ήλ’ το φως απέσ’ σο χ̌ειμωγκόν Έλα κι άμον το χ̌ι͜όνι, άσπρον πολλά μικρόν Εσύ είσαι του ήλ’ το φως απέσ’ σο χ̌ειμωγκόν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| ανεγνώριμα | μη γνώριμα, άγνωστα, ξένα | ||
| απέσ’ | μέσα | ||
| αποδιψάς | ξεδιψάς | ||
| απομέν’ | απομένει | ||
| δι͜αβαίν’ | (για τόπο) περνάει/ώ, διασχίζει/ω, (για χρόνο) περνάει/ώ | διαβαίνω | |
| έπαρ’ | (προστ.) πάρε | ||
| εσά | δικά σου/σας | ||
| ήλ’ | ήλιου | ||
| καρδόπο | καρδούλα | ||
| κονεύ’ς | εγκαθίστασαι, φωλιάζεις, προσγειώνεσαι | konmak | |
| μέρι͜α | μέρη | ||
| ξενιτεύ’ς | ξενιτεύεις, στέλνεις στην ξενιτειά | ||
| όντες | όταν | ||
| πολλά | (επίθ.) πολλά, (επίρρ.) πολύ | ||
| φεύ’ς | φεύγεις | ||
| χ̌ειμωγκόν | (ονομ.) χειμώνας, (γεν.) χειμώνα | ||
| ψ̌όπο | ψυχούλα |
